فوتو:https://web.telegram.org/
«قولداۋ شارالارىنا يە بولعانداردىڭ بىرىڭعاي اشىق رەەسترىن قۇرۋ ماسەلەسىن پىسىقتاۋ قاجەت. بۇل بىرىڭعاي اقپاراتتىق جۇيەدە بارلىق مالىمەت جيناقتالادى. بۇل كاسىپورىنداردىڭ از بولىگىنە عانا قارجىنىڭ شامادان تىس ءبولىنۋىن بولدىرماۋعا, سونداي-اق مەملەكەتتىك كومەكتىڭ تيىمدىلىگىن وبەكتيۆتى ءارى جەدەل باعالاۋعا مۇمكىندىك بەرەدى. بۇل رەتتە قولداۋ شارالارىنىڭ تيىمدىلىگىن تولەنگەن سالىق كولەمىن ۇلعايتۋ, جاڭا ساپالى جۇمىس ورىندارىن اشۋ جانە ءونىمنىڭ ەل ىشىندەگى قۇندىلىعىن ارتتىرۋ, ەكسپورتتىق الەۋەتتى دامىتۋ نەگىزىندە باعالاۋ قاجەت. مەملەكەتتىك قولداۋ شارالارىن اۆتوماتتاندىرۋ جانە ونىڭ تيىمدىلىگىن باعالاۋدىڭ شىنايىلىعىن قامتاماسىز ەتۋ ءۇشىن ۇكىمەت تسيفرلىق تەحنولوگيالاردى بەلسەندى تۇردە ەنگىزىپ, شەشىم قابىلداۋ پروتسەستەرىن اۆتوماتتاندىرۋى قاجەت», دەدى پرەزيدەنت.
سونىمەن قاتار مەملەكەت باسشىسى ۇلتتىق كاسىپكەرلەر پالاتاسىنىڭ قىزمەتىنە قاتىستى ماسەلەلەرگە ايرىقشا توقتالدى.
«ونىڭ نەگىزگى مىندەتى – بيزنەس پەن مەملەكەت اراسىنداعى ءتيىمدى ديالوگتىڭ نەگىزگى وزەگى بولۋ. پالاتانى ترانسفورماتسيالاۋ, ونى كورپوراتيۆتىك باسقارۋ ساپاسىن ايتارلىقتاي ارتتىرۋ قاجەت. پالاتا كاسىپكەرلەردىڭ ورتاق پىكىرىن تولىق جەتكىزىپ, الەۋمەتتىك-ەكونوميكالىق رەفورمالاردى ىلگەرىلەتەتىن ۇيىم بولۋعا ءتيىس», دەدى مەملەكەت باسشىسى.
