فوتو: inbusiness.kz
پروكۋراتۋرا ورگاندارى 11 جەكەمەنشىك جەو-دا جىلۋ-ەنەرگەتيكا جانە تابيعي مونوپوليالار سالاسىنداعى زاڭنامانىڭ ساقتالۋىنا تەكسەرۋ جۇرگىزدى. تەكسەرۋ بارىسىندا كەيبىر نىساندا جۇيەلى كەمشىلىكتەر مەن زاڭ بۇزۋشىلىقتار انىقتالدى. ءار ستانتسيادا قوندىرعىلاردىڭ ابدەن توزىعى شىققان, بۇل جىلۋ بەرۋ ماۋسىمىندا اپاتتارعا اكەلۋى مۇمكىن.
تالقىلاۋ قورىتىندىسى بويىنشا ۋاكىلەتتى ورگاندارعا ستانتسيالاردا كۇردەلى جوندەۋ مەن مودەرنيزاتسيالاۋدى قامتاماسىز ەتۋ بويىنشا مەنشىك يەلەرىمەن جۇمىس جاساۋ تاپسىرىلدى. ۇكىمەت باسشىسى 2023-2024 جىلدارعا ارنالعان ناقتى جۇمىس كەستەسىن بەلگىلەپ, ونىڭ ورىندالۋىن باقىلاۋدى تالاپ ەتتى. مىندەتتەمەلەر بۇزىلعان جاعدايدا ستانتسيالاردى مەملەكەت مەنشىگىنە قايتارۋ شارالارى قابىلداناتىن بولادى.
سونداي-اق كوميسسيا وتىرىسىندا ەلىمىزدىڭ ءىرى ونەركاسىپ كاسىپورىندارىن گازبەن قامتاماسىز ەتۋ سالاسىنداعى ءتيىمسىز مونوپوليست دەلدالداردى جويۋ ماسەلەسى دە تالقىلاندى. ءتيىستى ينفراقۇرىلىمى بار بۇل كومپانيالارداعى مەملەكەتتىك ۇلەستەر كەزىندە ارزانداتىلعان باعامەن جەكە قولعا وتكەن. ناتيجەسىندە بۇل گاز تاسىمالداۋ نارىعىنىڭ مونوپوليالانۋىنا جانە قىزمەت كورسەتۋ تاريفتەرىنىڭ كوتەرىلۋىنە الىپ كەلدى.
ءاليحان سمايىلوۆ ۋاكiلەتتi ۆەدومستۆولارعا وسى اكتيۆتەردi قر زاڭناماسىنىڭ تالاپتارىنا ساي مەملەكەت مەنشiگiنە قايتارۋ ماسەلەسiن جەدەل پىسىقتاۋدى تاپسىردى.
