اتالعان سىيلىق 2012 جىلدان بەرىلىپ كەلەدى. وسى ۋاقىت ارالىعىندا 400-دەن استام ادام قاتىسىپ, تىلگە جاناشىرلىق تانىتقان وزاتتار ماراپاتتالدى. بيىل ء«تىل جاناشىرى» سىيلىعىنىڭ لاۋرەاتتارىن ىرىكتەۋ جونىندەگى كوميسسيا 8 اتالىم بويىنشا قاتىسۋعا نيەت بىلدىرگەن 35 ادامنىڭ جۇمىسىن قاراعان. سالتاناتتى شارادا قاراعاندى وبلىسى اكىمىنىڭ ورىنباسارى باۋىرجان اسانوۆ قۇتتىقتاۋ ءسوز سويلەدى.
«بۇل مەرەكە – ەلىمىز ءۇشىن ماڭىزدى. مەملەكەت باسشىسى قاسىم-جومارت توقاەۆ: «حالقىمىزدىڭ تاريحى دا, تاعدىرى دا – تىلىندە. ءتىل وتكەن تاريحپەن عانا ەمەس, بۇگىن مەن بولاشاقتى بايلانىستىراتىن ماڭىزدى قۇرال», دەپ اتاپ ايتتى. ەلىمىزدە بارلىق ەتنوس وكىلدەرىنىڭ انا ءتىلىن دامىتۋعا بارىنشا جاعداي جاسالىپ كەلەدى. ونىڭ ىشىندە مەملەكەتتىك ءتىلدى قولدانۋ اياسىن كەڭەيتۋ شارالارى جۇيەلى ءوتىپ كەلەدى. مەملەكەتتىك تىلگە دەگەن سۇرانىس جوعارى. زامان تالابىنا ساي ءتىل وقىتۋ جۇمىستارى, جاڭا تەحنولوگيا, ۇزدىك ادىستەمەلەرمەن جەتىلدىرىلدى. ايماقتا قازاق تىلىندە ءتالىم-تاربيە, ءبىلىم بەرەتىن بالاباقشالار مەن مەكتەپتەردىڭ سانى جىل سايىن ارتىپ كەلەدى. ءتىل ساياساتىن ىسكە اسىرۋ باعىتىندا اتقارىلىپ جاتقان جۇمىستار مەن جەتىستىكتەرگە وبلىسىمىزداعى ءتىل جاناشىرلارىنىڭ دا قوسار ۇلەسى مول», دەي كەلە, وبلىس اكىمىنىڭ ورىنباسارى باۋىرجان قوڭىرباي ۇلى مەرەكە كۇنى وڭىرىمىزدەگى ءتىل ساياساتىن جۇزەگە اسىرۋدا, مەملەكەتتىك ءتىلدىڭ قولدانۋ اياسىن كەڭەيتۋگە زور ۇلەس قوسىپ, ايرىقشا ەڭبەك ەتىپ جۇرگەن ازاماتتارعا العىس ءبىلدىردى.
وبلىس اكىمىنىڭ ورىنباسارى ء«تىل جاناشىرى» سىيلىعىنىڭ ەڭ باستى جۇلدەسى ء«تىل مايتالمانى» اتالىمىنىڭ لاۋرەاتىن ماراپاتتادى. باس جۇلدە قازاق ءتىلى وقىتۋشىلارىنىڭ حالىقارالىق بىرلەستىگىنىڭ مۇشەسى, قاراعاندى وبلىستىق تىلدەردى وقىتۋ ورتالىعىنىڭ ديرەكتورى الماگۇل يگەنوۆاعا بۇيىردى. ماراپات يەسىنە ء«تىل جاناشىرى» سىيلىعىنىڭ ارنايى مۇسىنشەسى, ديپلوم جانە 1 ملن تەڭگە سەرتيفيكات تاپسىرىلدى.
«ەڭبەكتىڭ باعالانعانى قۋانىش, ارينە. بۇل, ەڭ الدىمەن, جاۋاپكەرشىلىك. وسى جەڭىس مەنىڭ عانا ەمەس, ارىپتەستەرىمنىڭ دە جەڭىسى. ويتكەنى ءبىز ۇلكەن جوبالاردى ارىپتەستەرىمىزبەن بىرگە جاسايمىز. وسى بايقاۋعا سوڭعى ءۇش جىلدا جارىق كورگەن ەڭبەكتەرىمىزدى, جەتىستىكتەرىمىزدى ۇسىندىق. باعدارلاماسى جوعارى سوتتا ماقۇلدانعان سوت سالاسىنىڭ قىزمەتكەرلەرىنە ارنالعان 3 دەڭگەيلى وقۋ-ادىستەمەلىك كەشەن جاسادىق, اۋديوقۇرالىمەن بىرگە. رەسپۋبليكا بويىنشا بارلىق سوت جۇيەسىندە ءبىز شىعارعان وقۋ قۇرالىمەن وقىتادى. سونداي-اق قاراعاندى وبلىسىندا عانا بار وزىندىك بالاماسى جوق جوبالار جاسالدى. ساۋدا, مەديتسينا, بانك, نوتاريات سالاسىنا ارنالعان وقۋ قۇرالدارى جارىق كوردى. ءتىل كوميتەتىنىڭ ساراپتاماسىنان وتكەن ءبىز دايىنداعان وقۋ قۇرالدارى رەسپۋبليكا بويىنشا مىڭ دانامەن تەگىن شىعارىلدى. وقۋ قۇرالدارىنىڭ ۆەب نۇسقاسى بار. قازىردىڭ وزىندە ۇلكەن جوبالار قولعا الىندى», دەيدى باس سىيلىقتىڭ يەگەرى.
سونىمەن قاتار مەملەكەتتىك ءتىل ساياساتىنىڭ وزەكتى ماسەلەلەرىن جۇيەلى ءارى ساپالى جاريالاعانى جانە ماتەريال بەرۋ بىرەگەيلىگى ءۇشىن بەرىلەتىن سىيلىقتىڭ ء«تىل جارشىسى» اتالىمىمەن الەۋمەتتىك جەلىدە 54 مىڭ وقىرمانى بار بلوگەر, جۋرناليست ايسۇلتان جاقىپ ماراپاتتالدى. ءتىل ماسەلەسىن وتكىر كوتەرىپ حابار دايىنداعان ءوڭىردىڭ بۇقارالىق اقپارات قۇرالدارى وكىلدەرىنە بەرىلەتىن «ۇزدىك تەلەحابار» اتالىمى «Saryarqa» تەلەارناسىنىڭ شەف-رەداكتورى, جۋرناليست گۇلباقشا اقاجانوۆاعا بۇيىردى.
«مەملەكەتتىك ءتىل – بيزنەستە» اتالىمى بويىنشا BioHumus عىلىمي ءبىلىم بەرۋ ورتالىعىنىڭ جەتەكشىسى, جاراتىلىستانۋ عىلىمدارىنىڭ ماگيسترى, PhD ارايلىم سەرىكباي جەڭىمپاز اتاندى. ال ء«تىل بىلگىرى» اتالىمىمەن مەملەكەتتىك ءتىلدى ەركىن مەڭگەرگەن وزگە ۇلت وكىلى, ق.ساتباەۆ اتىنداعى مەكتەپ-گيمنازيا ديرەكتورىنىڭ تاربيە ءىسى جونىندەگى ورىنباسارى, قازاق ءتىلى ءپانىنىڭ مۇعالىمى ولگا تيم ماراپاتتالدى. ساران قالاسى تىلدەردى دامىتۋ ورتالىعىنىڭ وقىتۋشىسى دينارا جۇپەنوۆا «ۇزدىك وقىتۋشى» اتالىمىندا لاۋرەات اتاندى. شەت اۋدانىنىڭ مادەنيەت, تىلدەردى دامىتۋ, دەنە شىنىقتىرۋ جانە سپورت ءبولىمىنىڭ باس مامانى گۇلزادا ماحمۇتوۆا «مەملەكەتتىك ءتىل – مەملەكەتتىك قىزمەتتە» اتالىمى بويىنشا جەڭىمپاز اتاندى. «جاس پوليگلوت» اتالىمىندا تەمىرتاۋ قالاسى №9 ليتسەيىنىڭ شەت ءتىلى ءپانىنىڭ مۇعالىمى, ءى ساناتتى پەداگوگ دانيار جاڭاباەۆ جەڭىسكە جەتتى.
جەڭىمپازدارعا ء«تىل جاناشىرى» سىيلىعىنىڭ مۇسىنشەسى, ارنايى ديپلوم جانە 500 مىڭ تەڭگە اقشالاي سىيلىق بەرىلدى.
قاراعاندى وبلىسى
