توپتىق تۋرنيردە جەرلەستەرىمىز مىسىر, ءۇندىستان, فرانتسيا جانە ۋكراينانى ۇتىپ, گرۋزيامەن تەڭ ءتۇستى. شيرەك فينالدا گەرمانيادان مەرەيىمىز ۇستەم بولدى. جارتىلاي فينالدا جولىمىز فرانتسيامەن قايتا قيىستى. بۇل جولى ءبىز ولاردى تاي-برەيكتە 4:0 ەسەبىمەن تاس-تالقان ەتتىك. اتالعان كەزدەسۋدە ءبيبىسارا اساۋباەۆا, مەرۋەرت كاماليدەنوۆا, الۋا نۇرمانوۆا جانە ءامينا قايىربەكوۆا قارسىلاستارىنان باسىم ءتۇستى. ەندى فينالدىق سايىستا قازاق قىزدارى گرۋزيامەن وينادى. قاپ تاۋىنان كەلگەن شاحماتشىلار وسىنىڭ الدىندا عانا اقش-تىڭ وكىلدەرىنەن باسىم تۇسكەن ەدى.
جالپىكوماندالىق الەم چەمپيوناتى 2007 جىلدان بەرى ۇيىمداستىرىلىپ كەلەدى. قازاقستان قۇراماسى بۇعان دەيىن بىردە-ءبىر رەت شيرەك فينالدىق مەجەدەن اسا الماعان-تىن.
