فوتو: ortalyq.kz
– ۇلت ۇستازى – احمەت بايتۇرسىن ۇلىنىڭ تۋعان كۇنى جانە تىلدەر كۇنى مەرەكەسىنە وراي وتكىزىلگەن شارا مەملەكەتتىك ءتىل مەن شەت ءتىلىن وقىتىپ جۇرگەن وقىتۋشىلارعا قولداۋ كورسەتۋ, ولاردىڭ كاسىبي الەۋەتىن دامىتۋ, وزىق تاجىريبەلەرىن تاراتۋ, تىلدەردى وقىتۋ ورتالىقتارىنىڭ وڭ ءيميدجىن قالىپتاستىرۋدى ماقسات تۇتادى, – دەيدى «شىراق» تىلدەردى وقىتۋ ورتالىعىنىڭ ديرەكتورى سايات تۇياقباەۆ.
قالا اكىمىنىڭ ء«تىل ۇزدىگى» سىيلىعى 8 اتالىم بويىنشا تاپسىرىلدى. «ۇزدىك وقىتۋشى» اتالىمىمەن «شىراق» تىلدەردى وقىتۋ ورتالىعىنىڭ وقىتۋشىسى ءاسيا سمىكوۆا, «ۇزدىك تىڭداۋشى» اتالىمىمەن «الماگۇل» بالاباقشاسىنىڭ تاربيەشىسى يرينا ماگينا ماراپاتتالدى. «ۇزدىك ءتىل جاناشىرى» «بالالەم» تىلدەردى وقىتۋ ورتالىعىنىڭ جەتەكشىسى جاننا كۇتتىباەۆاعا بۇيىردى. «شەت ءتىلىن ۇزدىك وقىتۋشى» ءا.ساعىنوۆ اتىنداعى قاراعاندى تەحنيكالىق ۋنيۆەرسيتەتىنىڭ شەت تىلدەر كافەدراسىنىڭ اعا وقىتۋشىسى گۇلسارا امانگەلدينا دەپ تانىلدى. «مەكەمەنىڭ ۇزدىك قىزمەتكەرى» اتالىمىندا وبلىستىق تىلدەردى وقىتۋ ورتالىعىنىڭ قىزمەتكەرى اسەت ەسماعامبەتوۆ, «ۇزدىك ءتىل مايتالمانى» اتالىمىندا تىلدەردى دامىتۋ باسقارماسى جانىنداعى رەسۋرستىق ءتىل ورتالىعىنىڭ ءبولىم مەڭگەرۋشىسى جۇپار جاقان توپ جاردى.
«ۇزدىك جاس مامان» «بولاشاق» جوعارى كوللەدجىنىڭ وقىتۋشىسى اقبوتا بەكىمۇراتوۆا, «ۇزدىك ءتىل مامانى» اتالىمىمەن قوعام بەلسەندىسى ەلميرا سايلاۋقىزى ماراپاتتالدى.
جەڭىمپازداردىڭ ارقايسىسىنا 250 مىڭ تەڭگە كولەمىندە اقشالاي سىيلىق پەن ديپلومدار تابىستالدى.
قاراعاندى وبلىسى
