رۋسلان سەيسەمباەۆتىڭ ايتۋىنشا, قازاقستاندا تەرروريستىك قاۋىپ تۇراقتى تۇردە ساقتالىپ وتىر. جىل سايىن كەم دەگەندە 2 تەرروريستىك شابۋىلدىڭ الدى الىنادى ەكەن.
«مىسالمەن ايتقاندا, بيىل عانا دايىندىقتىڭ ەرتە كەزەڭىندە تۇركىستانداعى قوجا احمەت ياساۋي كەسەنەسىن قولدان جاسالعان جارىلعىش قۇرىلعىمەن جارۋدىڭ جولى كەسىلدى. سونداي-اق استانادا ادامدار جاپپاي جينالعان جەرلەردە قارۋلى شابۋىل جاساۋ ارەكەتتەرى توقتاتىلدى. بىزگە كەلىپ تۇسكەن اقپارات «شىۇ-عا مۇشە مەملەكەتتەر ءۇشىن تەرروريستىك قاتەرلەردىڭ قالىپتاسۋى بىرقاتار ۇستەم فاكتوردىڭ اسەرىنەن بولادى» دەگەن قورىتىندى جاساۋعا مۇمكىندىك بەرەدى», دەدى رۋسلان سەيسەمباەۆ شىۇ وتىرىسىندا.
ايتا كەتسەك, بۇگىن استانادا قازاقستاننىڭ توراعالىعىمەن شانحاي ىنتىماقتاستىق ۇيىمىنىڭ (شىۇ) وڭىرلىك تەرروريزمگە قارسى قۇرىلىم راتس كەڭەسىنىڭ 40-وتىرىسى ءوتىپ جاتىر.
