بۇل كەزەڭدە 163,2 شاقىرىمدىق قاشىقتىقتى 3 ساعات 29 مينۋت 17 سەكۋندتا ءجۇرىپ وتكەن 33 جاستاعى جەرگىلىكتى ۆەلوشاباندوز حەسۋس ەررادا («Cofidis») جەڭىمپاز دەپ تانىلدى. ەكىنشى ورىندى رومەن گرەگۋار («Groupama – FDJ») يەلەندى. 20 جاستاعى فرانتسيانىڭ ورەنى باسەكەلەسىنەن ءۇش سەكۋند قانا قالىپ قويدى. دانيالىق اندرەاس كرون («Lotto Dstny») ءۇشىنشى ساتىعا تابان تىرەدى. «استانانىڭ» وكىلدەرى اراسىندا ەڭ ۇزدىك كورسەتكىش لۋيس لەون سانچەسكە تيەسىلى. ول مارە سىزىعىن 23-بولىپ قيىپ ءوتتى.
ال كوش باسىنداعى جاعداي وزگەرىسسىز. ۇزدىك ۇشتىك مىنالار: سەپپ كۋسس («Jumbo-Visma»), مارك سولەر («UAE Team Emirates») جانە رەمكو ەۆەنەپۋل («Soudal – Quick Step»). «استانانىڭ» سەركەسى داۆيد دە لا كرۋس ءبىر ساتىعا تومەندەپ, قازىرگى كەزدە 12-ورىندى قاناعات تۇتتى.
