فوتو: sakhaday.ru
ءتارتىپ ساقشىلارى جەدەل-ىزدەستىرۋ ءىس-شاراسىن جۇرگىزىپ, الماتى وبلىسىندا بولعان اتىسقا قاتىسۋقان كۇدىكتىلەردى ۇستادى.
ەسكە سالا كەتسەك, 7 قىركۇيەكتە ىلە اۋدانىنىڭ واا-عا تەگىس ۇڭعىلى قارۋدان جاراقات العان 4 جەرگىلىكتى تۇرعىن ءتۇستى. وكىنىشكە قاراي, تاعى ءبىر ادام اۋرۋحاناعا بارار جولدا جان تاپسىردى.
«اتالعان دەرەكتەر قر قك 99-بابى (كىسى ءولتىرۋ) جانە قر قك 293-بابى 3-بولىگى (بۇزاقىلىق) بويىنشا تىركەلدى. وقيعاعا قاتىسۋشىلاردى پوليتسيا قىزمەتكەرلەرى انىقتاپ, ۇستادى. ساراپتامالىق تەكسەرۋلەر تاعايىندالىپ, قاجەتتى تەرگەۋ شارالارى جۇرگىزىلىپ جاتىر», دەپ جازدى باۋىرجان الەنوۆ.
