فوتو: gov.kz
قىسقا مەرزىمدى كاسىپتىك وقىتۋ «كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى» اياسىندا جۇزەگە اسىرىلادى. وقۋ اياقتالعاننان كەيىن جۇمىسسىز ازاماتتارعا سەرتيفيكات تابىستالادى, جۇمىس بەرۋشىلەر ولاردى الەۋمەتتىك كەلىسىمشارت نەگىزىندە جۇمىسقا ورنالاستىرۋعا مىندەتتەلگەن.
شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى بالمارجان ناربەكوۆانىڭ توراعالىعىمەن وتكەن كوميسسيا وتىرىسىندا وقۋ ۇيىمدارىندا ءتۇرلى ماماندىقتار بويىنشا وقىتىپ, جۇمىس كۇشىمەن قامتاماسىز ەتۋدى وتىنگەن 60-تان استام جۇمىس بەرۋشى مەكەمەنىڭ تالاپقا سايكەستىكتەرى سارالانىپ قارالعان. مەكەمەلەردەن تەحنيكالىق جانە كاسىپتىك سالا ماماندارىنا سۇرانىس كوپ تۇسكەن.
وقۋعا شىمكەنت قالاسىندا تۇراقتى تىركەۋدە تۇرعان جۇمىسسىز ازاماتتار قاتىسا الادى. ەگەر ۇمىتكەردىڭ مۇگەدەكتىگى بولعان جاعدايدا, مۇگەدەكتىكتى وڭالتۋدىڭ جەكە باعدارلاماسىندا (يپر) جۇمىسقا قابىلەتتىلىگىنە دارىگەردىڭ رۇقساتناما قۇجاتى قاجەت.
جالپى, كاسىپتىك وقىتۋ مەرزىمى − 3 اي. اي سايىن 20 948 تەڭگە شاكىرتاقى جانە 6900 تەڭگەدەن ءبىر رەتتىك ماتەريالدى كومەك كورسەتىلەدى.
