فوتو: kff.kz
«قارسىلاس قۇراما فۋتبولشىلارى اۋەلەتىپ پاس بەرۋدە شەبەر دەۋگە كەلمەيدى. ولار شابۋىلداۋ تاكتيكاسىنا ارقا سۇيەيدى, ءۇش ويىنشى ارقىلى اندىزداي العا ۇمتىلادى. ويىندى كوبىنە تەەمۋ پۋككي ارقىلى ورىستەتۋگە قۇمبىل. وڭ قاپتالمەن دە بەلسەندى شابۋىل ورىستەتەدى. بۇل قۇراما قورعانىستا مىعىم, قارىمتا قايتارۋدى دا وتە جىلدام ۇيىمداستىرادى. تاعى ءبىر ايتا كەتەتىنى, ولار پوزيتسيالىق شابۋىلدى ورىستەتۋگە كەلگەندە دە شابان دەپ ايتۋعا بولمايدى. ءوز باسىم فين فۋتبولشىلارى تاكتيكالىق ويىن ورنەگىن كورسەتەدى دەپ ويلايمىن. ءبىزدىڭ دە جوسپارىمىز بار, جىگىتتەر جەرگە قاراتپايتىنىنا سەنىم بىلدىرەمىن. وكىنىشتىسى, ميحايل گابىشەۆ پەن باۋىرجان يسلامحان جاراقاتىنان ايىققان جوق. جىگىتتەردىڭ جوقتىعى بىلىنەدى ارينە, جاقىندا عانا ولارعا وتا جاسالدى. تەزىرەك ساۋىعىپ قاتارىمىزعا قوسىلۋىنا قاشاندا تىلەكشىمىز. گابىشەۆتىڭ وينايتىن قاپتالىن قورعاۋدى كىمگە تاپسىراتىنىمدى ەرتەڭ كورەسىزدەر. قۇراماعا شاقىرتۋ العان جاڭا ويىنشىلاردىڭ دا الەۋەتىن سىناپ كورەمىز», دەدى ۇلتتىق قۇرامانىڭ باس باپكەرى م.اديەۆ.
