جاۋاپتى شەپ – اۋە قورعانىسى

الەمدە بولىپ جاتقان قارۋ­لى قاقتىعىستار بىزگە اۋە قور­عانىسى جۇيەسىنىڭ ماڭىزى قان­شا­لىقتى جوعارى ەكەندىگىن باي­قاتىپ وتىر. ويتكەنى قازىر تەك جويعىش ۇشاقتار عانا ەمەس, الىس قاشىقتىققا جەتەتىن بال­ليس­­تيكالىق زىمىراندار مەن شابۋىل­داۋشى درونداردىڭ دا قاۋپى كۇن سايىن ارتىپ كەلەدى. 

وقۋ-جاتتىعۋعا ەلىمىزدىڭ قارۋ­لى كۇشتەرى مەن اۋە شابۋىلىنا قارسى قورعانىس قۇرالدارىنان باسقا قىرعىزستان قارۋلى كۇش­تەرى زەنيتتىك-زىمىراندىق كە­شەندەرىنىڭ جاۋىنگەرلىك ەسەپتوپتارى دا قاتىسادى. ونىڭ بەل­سەندى كەزەڭىن ارمەنيا, قىر­عىزستان, رەسەي جانە وزبەك­ستان­نىڭ قورعانىس ۆەدومستۆولارى مەن اشقق اسكەرلەرىنىڭ وكىلدەرى باقىلاماق.

تمد-عا مۇشە ەلدەردىڭ بى­رىك­كەن اشقق جۇيەسى شەڭبە­رىندە وقۋ-جاتتىعۋعا جۇمىلعان ەلدەردىڭ سىرتقى شەكارالارىن كۇزەتۋ بويىنشا بىرلەسكەن جاۋىن­گەرلىك كەزەكشىلىك جۇزەگە اسىرىلادى. بۇل ءىس-شارا 1995 جىلعى 10 اقپانداعى تمد-عا قاتىسۋشى مەملەكەتتەردىڭ بى­رىككەن اۋە شابۋىلىنا قارسى قورعانىس جۇيەسىن قۇرۋ تۋرالى كەلىسىمگە سايكەس ۇيىمداس­تىرىلىپ وتىر. جوسپار بويىنشا وقۋ-جاتتىعۋ ەكى جىلدا ءبىر رەت ءوتىپ وتىرادى.