سالتاناتتى ءىس-شاراعا قاتىسقان جامبىل وبلىسى پد باستىعى ارمانبەك بايمۋرزين, ءىىم يدەولوگيالىق جانە يميدجدىك جۇمىس دەپارتامەنتىنىڭ باستىعى البينا ماحامبەتوۆا ءسوز الىپ, پوليتسيانىڭ ابىروي-بەدەلىن ارتتىرۋ ءۇشىن مۇنداي بايقاۋلاردىڭ پايداسى زور ەكەنىن اتاپ ءوتتى.
بايقاۋدىڭ ەكىنشى كۇنi بالاساعۇن ورتالىق كونتسەرت زالىندا ءتارتىپ ساقشىلارى «پاراساتتى پوليتسەي» بايقاۋىنىڭ ەكى كەزەڭi بويىنشا باق سىنادى. سايىس باستالار الدىندا ءىس-شارانىڭ قۇرمەتتى قوناعى, حالىق قاھارمانى عازيز بايتاسوۆتىڭ جۇبايى گۇلجامال تاجيەۆا قۇتتىقتاۋ ءسوز سويلەدى. ءار كوماندا ءارتۇرلى ۇلت وكىلدەرىنەن قۇرالدى. ولار وزدەرىنىڭ مەملەكەتتىك تiلدi جەتiك مەڭگەرگەندەرiن كورسەتiپ, زاڭدار مەن كاسىبي تەرميندەردىڭ قولدانىلۋى بويىنشا بiلiمدەرiن تانىتىپ, شىعارماشىلىق تاپسىرمالاردى مۇدiرمەستەن ورىندادى.
بايقاۋ قورىتىندىسى بويىنشا قوستاناي وبلىسى پوليتسيا دەپارتامەنتىنىڭ «قوستاناي ساقشىلارى» كومانداسى جۇزدەن جۇيرىك شىعىپ, جەڭىمپاز اتاندى. ءبىرىنشى ورىن اقمولا وبلىسى پوليتسيا دەپارتامەنتىنىڭ «كوكشە ساقشىلارى» كومانداسىنا بۇيىردى. ال ەكىنشى ورىندى الماتى قالاسى پد « ۇلى دالا ساقشىلارى» جانە شىمكەنت قالاسى پد «مەگاپوليس» كوماندالارى ءوزارا ءبولىستi. استانا قالاسى پد «ەلوردا قىراندارى», باتىس قازاقستان وبلىسى پد «07 ايماق» جانە جەتىسۋ وبلىسى پد «قىران قۇس» كوماندالارى جۇلدەلى ءۇشىنشى ورىن تۇعىرىنان كورiندi. سونداي-اق بايقاۋدىڭ قازىلار القاسى ەرەكشە ونەر كورسەتكەن قاتىسۋشىلاردى بىرنەشە اتالىم بويىنشا ماراپاتتادى. وعان قوسا مەملەكەتتىك تiلدە مۇدiرمەي سويلەپ, جەتiك مەڭگەرگەنiن كورسەتە بiلگەن ء«تىلi باسقا, تىلەگى بiر» اتالىمىمەن اقتوبە وبلىسى پوليتسيا دەپارتامەنتىنىڭ قىزمەتكەرi فولەنۆەيدەر ۆلاديمير يۋرەۆيچ ماراپاتتالدى.
قازىلار القاسىنىڭ توراعاسى – «قازاقستان كۆن وداعى» رەسپۋبليكالىق جاستار قوعامدىق بىرلەستىگىنىڭ پرەزيدەنتى ەسەن ەلەۋكەن بايقاۋدىڭ ۇيىمداستىرىلۋىنا, كوماندالاردى دايارلاۋعا جوعارى باعا بەرىپ, بۇگىندە پوليتسەيلەر قىلمىستاردى اشىپ قانا قويماي, دارىندى جانە شىعارماشىلىق تۇلعالار ەكەنىن دالەلدەگەنىن اتاپ ءوتتى. سالتاناتتى راسىمدە جامبىل وبلىسى پد باستىعى ارمانبەك بايمۋرزين كوماندالارعا قاتىسقانى ءۇشىن العىس ايتىپ, بايقاۋدىڭ جەڭىمپازدارى مەن جۇلدەگەرلەرىن قۇتتىقتاپ, گراموتالار, ديپلومدار مەن باعالى سىيلىقتار تابىس ەتتى. ءىس-شارا ەسترادا انشىلەرى ءمولدىر اۋەلبەكوۆا, گۇلنۇر ورازىمبەتوۆا, اينا قالماعامبەتوۆا, نۇرجان بەيسەنوۆ قاتىسقان مەرەكەلىك كونتسەرتپەن اياقتالدى.
