https://www.akorda.kz/
«ۋربوستيل» جشس ديرەكتورى ليۋبوۆ نىسانباەۆا مەملەكەت باسشىسىنا وبلىس ورتالىعىنىڭ اۋماعى 2050 جىلعا قاراي 19 مىڭ گەكتارعا ۇلعايىپ, حالىق سانى 200 مىڭ ادامعا جەتەدى دەگەن بولجام جاسالىپ وتىرعانىن ايتتى.
قالانى دامىتۋ جانە جاڭا مادەني-قوعامدىق ورتالىق سالۋ ءۇشىن «جاڭا-ىلە» الاڭى تاڭدالىپ الىندى. وندا الەۋمەتتىك-تۇرمىستىق, مادەني, تۇرعىن ءۇي, ءبىلىم بەرۋ جانە رەكرەاتسيالىق نىساندار سالۋ كوزدەلگەن.
جۇيە قۇراۋشى كلاستەرلەر مەن كاسىپورىنداردا 20 مىڭنان استام جۇمىس ورنىن اشۋ جوسپارلانىپ وتىر. بۇل 30 مىڭنان استام ادامدى جۇمىسپەن قامتيتىن كوپتەگەن شاعىن جانە ورتا بيزنەس سۋبەكتىسىنىڭ قۇرىلۋىنا ىقپال ەتەدى.
بۇدان بولەك, الماتى وبلىسىنىڭ اكىمى مارات سۇلتانعازيەۆ مەملەكەت باسشىسىنا قوعامدىق جاعاجايدى اباتتاندىرۋ جوباسىن تانىستىردى.
اكىمنىڭ ايتۋىنشا, بىرەگەي جوبانىڭ – ۇزىندىعى 1000 مەتر بولاتىن سۋ پرومەنادىنىڭ قۇرىلىسى باستالادى. ونى الداعى ۋاقىتتا 3000 مەترگە دەيىن جەتكىزۋ كوزدەلگەن.
كەزدەسۋ بارىسىندا وبلىس باسشىسى ءوڭىردى تسيفرلاندىرۋ ماسەلەسىنە ەرەكشە نازار اۋداردى.
پرەزيدەنتكە 67 الەۋمەتتىك نىساندى جوعارى جىلدامدىقپەن جۇمىس ىستەيتىن ينتەرنەتكە قوسۋ جوباسىنىڭ جۇزەگە اسىرىلۋى, سونداي-اق 5G جوباسىن ودان ءارى ىسكە اسىرۋ ءۇشىن جالپى ۇزىندىعى 104 شاقىرىم تالشىقتى-وپتيكالىق بايلانىس جەلىسىنىڭ توسەلۋى جونىندە مالىمەت بەرىلدى.
قالاداعى قوعامدىق قاۋىپسىزدىكتى ۇزدىكسىز مونيتورينگ جاساۋ ماقساتىندا 412 بەينەباقىلاۋ كامەراسى ورناتىلىپ جاتىر. الماتى وبلىسىنىڭ مەكتەپتەرىندە قاۋىپسىزدىكتىڭ ينتەگراتسيالانعان جۇيەسىن قۇرۋ اتالعان باستامالاردىڭ ماڭىزدى بولىگى سانالادى. جوبا اياسىندا وبلىستىڭ 125 مەكتەبىنە جەدەل باسقارۋ ورتالىعىنا قوسىلعان 4 مىڭ كامەرا ورناتىلادى. بۇل پلاتفورما ىقتيمال قاۋىپتەرگە قارسى جىلدام ارەكەت ەتۋگە جانە قولايلى ءبىلىم بەرۋ ورتاسىن قۇرۋعا مۇمكىندىك بەرەدى.
