سەرجانت مۇنداي توسىن جايتقا استانا قالاسىنىڭ وڭتۇستىك-شىعىس شاعىن اۋدانىنداعى تۋىستارىنا كەلگەن كەزدە تاپ بولعان. «كۇتپەگەن جەردەن جيەنىم كورشى تۇرعان كوپقاباتتى ءۇيدىڭ بالكونىنان ءبىر قىزدىڭ سەكىرمەك بولىپ جاتقانىن ايتىپ ايقايلادى. مۇنى كورىپ كىرەبەرىسكە جۇگىرىپ بارىپ, جەدەلساتىمەن 14-قاباتقا شىقتىم. 15-قاباتقا باسپالداقپەن كوتەرىلدىم. قىزعا دىبىسسىز جاقىنداپ كەلدىم دە, شاپ بەرىپ ۇستاپ, جەرگە ءتۇسىرىپ الدىم», دەيدى ەرىك ىسقاقوۆ.
35 جاستاعى اسكەري قىزمەتشى – ءتورت بالانىڭ اكەسى. تۇركىستان وبلىسى ارىس قالاسىنىڭ وق-ءدارى قويماسىنداعى جارىلىس كەزىندە تۇرعىنداردى ەۆاكۋاتسيالاۋعا قاتىسقان. اسكەر سالاسىندا كوپتى كورگەن ول بۇل جولى دا ۋاقىتتى ءتيىمدى پايدالانىپ, وقىس جاعدايدا باتىل ارەكەت ەتىپ, ادام ءومىرىن ساقتاپ قالدى.
سەرجانت ىسقاقوۆ ءوز ارەكەتىن ەرلىك دەپ سانامايدى, الايدا ءجاسوسپىرىمدى ورنى تولماس قايعىدان قۇتقارا العانىنا قۋانعانىن جاسىرمادى.
