فوتو: https://web.telegram.org/
كۇدىكتى ورتالىقتى ارالاپ ءجۇرىپ, ەلوردادان تۋرنير وتكىزۋگە ارنايى كەلگەن مامانداردىڭ باعالى نوۋتبۋگى مەن سمارتفونىن ۇپتەگەن.
«بەينەكامەرالارداعى جازبالاردى زەردەلەۋ كەزىندە, قاسكۇنەم تەننيس ويناۋعا كەلگەندەي كەيىپ تانىتىپ, سپورت ورتالىعىنا ەمىن-ەركىن كىرگەنى جانە اشىق تۇرعان قىزمەتتىك بولمەدەن قىمبات تەحنيكانى قولدى ەتىپ, وقيعا ورنىنان بوي تاسالاعانى بەلگىلى بولدى. كۇدىكتى بۇرىن وسىعان ۇقساس قىلمىس جاساعانى ءۇشىن سوتتى بولعان 27 جاستاعى قالا تۇرعىنى بولىپ شىقتى. ول بۇعان دەيىن دە 7 ۇرلىق فاكتىسىنە قاتىسى بارى انىقتالدى. ول ءوزى ۇرلاعان سمارتفوندى كەزدەيسوق ساتىپ الۋشىلارعا وتكىزۋ ۇستىندە ۇستالدى. ءبىر اي ىشىندە وزگەنىڭ 4 ۇيالى تەلەفونىن, نوۋتبۋك پەن 2 ويىن پريستاۆكالارىن يەمدەنگەن. وسىلايشا ول بۇعان دەيىن دە ەمدەۋ ورتالىعىنىڭ, ينتەرنەت-كلۋب جانە ستوماتولوگيانىڭ جۇمىسشىلارى مەن شاشتارازعا جالپى سوماسى 2 ميلليون تەڭگەدەن اسا شىعىن كەلتىرگەن. ۇستالعان ازامات قامالىپ, 188-باپتىڭ 3-بولىگىنىڭ 2-تارماعى بويىنشا سوتقا دەيىنگى تەرگەۋ امالدارى باستالدى», دەلىنگەن ىشكى ىستەر مينيسترلىگىنىڭ ءباسپاسوز قىزمەتى ۇسىنعان اقپاراتتا.
