فوتو: facebook.com/bisembieff
«بەلگىلى جۋرناليست, «زەيىن اتىراۋ» ەرەكشە بالالاردى وڭالتۋ ورتالىعىنىڭ نەگىزىن قالاعان ارايلىم باعىتجان انتالياداعى ءىرى جول اپاتىنا ءتۇسىپ, ومىردەن ءوتتى. ارىپتەسىمىزبەن بىرگە ونىڭ كىشكەنتاي ءسابيى دە و دۇنيەلىك بولدى. جولداسى قيىن جاعدايدا اۋرۋحانادا جاتىر», دەپ جازدى جاسۇلان بيسەمبيەۆ Facebook پاراقشاسىندا.
ول, سونداي-اق قازىر قازاقستاننىڭ تۇركياداعى ەلشىلىگىمەن كەلىسىمدەر جۇرگىزىلىپ جاتقانىن قوسا حابارلادى.
«اۋرۋحانادا قيىن جاعدايدا جاتقان باۋىرىمىزدىڭ ءتيىستى ەم الۋىنا جاعداي جاسالۋدا. جەرلەستەرىمىزدىڭ سۇيەگىن ەلگە الدىرتۋ بويىنشا جۇمىس جۇرگىزىپ جاتىر. مارقۇمنىڭ وتباسىنا قايعىرىپ كوڭىل ايتامىن», دەپ قوستى ول.
قازاقستان رەسپۋبليكاسىنىڭ سىرتقى ىستەر مينيسترلىگى بۇل قايعىلى جاعدايعا قاتىستى تۇسىنىكتەمە بەرىپ, وقيعانىڭ ءمان-جايى جايلى ناقتى اقپارات بەردى.
«3 قىركۇيەكتە تۇركيانىڭ الانيا قالاسىندا جول اپاتى بولدى. قازاقستان ازاماتتارى سافاري-دجيپتە وتىرعان. وكىنىشكە قاراي, 1989 جىلى تۋعان ارايلىم باعىتجان مەن ونىڭ 2 جاسار قىزى وقيعا ورنىندا جان تاپسىرعان. ارايلىم باعىتجاننىڭ 1986 جىلى تۋعان جولداسى اۋرۋحاناعا جەتكىزىلىپ, جانساقتاۋ بولىمىنە جاتقىزىلدى. 2014 جىلى تۋعان ۇل بالالارىنا دا مەديتسينالىق كومەك كورسەتىلدى, قازىر ونىڭ ومىرىنە قاۋىپ ءتونىپ تۇرعان جوق. قازاقستان ديپلوماتتارى قايتىس بولعان ازاماتتاردىڭ تۋىستارىمەن كەلىسسوز جۇرگىزىپ جاتىر. قاجەتتى كومەك كورسەتىلەدى», دەلىنگەن مينيسترلىك حابارلاماسىندا.
