«قازاقستاننىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى اۋا رايىنىڭ تۇراقسىز سيپاتى ساقتالادى, جاڭبىر جاۋادى, رەسپۋبليكامىزدىڭ سولتۇستىگىندە, وڭتۇستىك-شىعىسىندا نوسەر جاڭبىر كۇتىلەدى, ەلىمىزدىڭ وڭتۇستىك-شىعىسىنداعى تاۋلى اۋدانداردا دا قاتتى جاۋىن-شاشىن (جاڭبىر, قار تۇرىندە) بولادى. ەلىمىزدىڭ باتىسىندا عانا جاۋىن-شاشىنسىز اشىق اۋا رايى كۇتىلەدى. رەسپۋبليكا بويىنشا نايزاعاي ويناۋ, ەكپىندى جەل, بۇرشاق ءتۇسۋ تۇرىندەگى قولايسىز اۋا رايى باسىم. قازاقستاننىڭ سولتۇستىك-باتىسىندا, سولتۇستىگىندە, كۇندىز وڭتۇستىك-شىعىسىنداعى تاۋلى اۋدانداردا تۇمان تۇسەدى دەپ كۇتىلەدى», دەلىنگەن حابارلامادا.
جامبىل وبلىسى, قىزىلوردا ءوڭىرىنىڭ شىعىسىندا, وڭتۇستىگىندە, ورتالىعىندا, اتىراۋ وبلىسىنىڭ سولتۇستىك-باتىسىندا, سولتۇستىك-شىعىسىندا, وڭتۇستىگىندە, اقتوبە ءوڭىرىنىڭ باتىسىندا, باتىس قازاقستان وبلىسىنىڭ وڭتۇستىك-باتىسىندا, سولتۇستىك-باتىسىندا, سولتۇستىگىندە, شىعىسىندا توتەنشە ءورت قاۋپى ساقتالادى.
باتىس قازاقستان وبلىسىنىڭ ورتالىعىندا, پاۆلودار, قاراعاندى, ۇلىتاۋ وبلىستارىنىڭ وڭتۇستىگىندە, ماڭعىستاۋ وبلىسىنىڭ سولتۇستىك-باتىسىندا, وڭتۇستىك-شىعىسىندا ءورت قاۋپى جوعارى.
