فوتو: قر تج مينيسترلىگى
قازاقستان كومانداسىندا 20 سپورتشى بار. ونىڭ 10-ى ەر ادام جانە تاعى ءبىر 10-ى ايەل ادام. جارىسقا قازاقستان, بەلارۋس, رەسەي, اۆستريا, بولگاريا, كامەرۋن, سلوۆاكيا, تۇركيا, وزبەكستان, ساۋد ارابياسى, قىتاي, يران, ازەربايجان, موڭعوليا, بارلىعى 14 ەلدىڭ وكىلدەرى قاتىسىپ جاتىر.
14 ەرلەر قۇرامالارى اراسىندا قازاقستاننىڭ ەرلەر ۇلتتىق قۇراماسى IV ورىنعا يە بولدى. ۇزدىك ناتيجەنى ابدىبەك ەركىن 13,9 سەكۋند ۋاقىتپەن كورسەتتى.
وسى تۇردەگى 9 قىزدار قۇراما كوماندالاردىڭ اراسىندا ەلىمىزدىڭ قىزدار ۇلتتىق قۇراما كومانداسى جۇلدەلى III ورىنعا يە بولدى. ۇزدىك ناتيجەنى تۇرسىن ايدانا كورسەتتى. 7,2 سەكۋند ناتيجەسىمەن ول ۇزدىك سەگىزدىككە ەنىپ, ءبىرىنشى جارتىلاي فينالدىق جارىسقا قاتىستى, سونداي-اق وسى ءتۇر بويىنشا قازاقستاننىڭ ۇلتتىق رەكوردىن جاڭارتتى (بۇرىنعى رەكورد 7,28 سەكۋند).
ءبىرىنشى كۇنگى قىزدار مەن ەرلەر اراسىندا اقتىق جارىستار بويىنشا بەلارۋس رەسپۋبليكاسىنىڭ وكىلدەرى ۆيكتوريا تيشكەۆيچ 7.2 سەكۋند ۋاقىتپەن جانە ۋكولوۆ نيكيتا 13 سەكۋند ۋاقىتپەن ايەلدەر مەن ەرلەر اراسىندا الەم چەمپيوندارى اتاندى.
ەرلەر اراسىنداعى XVIII الەم چەمپيوناتى جانە ءورت ءسوندىرۋ-قۇتقارۋ سپورتىنان قىزدار اراسىنداعى IX الەم چەمپيوناتى 6 قىركۇيەككە دەيىن حالىقارالىق ءورت سوندىرۋشىلەر مەن قۇتقارۋشىلار سپورت فەدەراتسياسىنىڭ قولداۋىمەن وتەدى.
