فوتو: facebook.com/danaratanirbergen
اتى اڭىزعا اينالعان پانفيلوۆ ديۆيزياسىنىڭ سوڭعى ساربازى قايىرلى جوڭقاباەۆ تۋرالى د.تاڭىربەرگەنقىزى facebook پاراقشاسىندا جازبا ارناپ, مايدانگەردىڭ جاقىندارىنا كوڭىل ايتقان.
شىعىس قازاقستان وبلىسىنىڭ سامارا اۋدانىندا دۇنيەگە كەلگەن قايىرلى جوڭقاباەۆ ەڭبەك جولىن 1940 جىلى سول وبلىستىڭ ق ۇلىندى ورتا مەكتەبىندە مۇعالىم بولىپ باستاعان.
1941 جىلى قازان ايىندا پانفيلوۆ ديۆيزياسىنىڭ 23 گۆارديالىق پولكىنىڭ قاتارداعى جاۋىنگەرى رەتىندە قىزىل ارميا قاتارىنا شاقىرىلادى.
8-گۆارديالىق اتقىشتار ديۆيزياسىنىڭ قۇرامىندا پۋلەمەتشى بولعان. كەڭەس وداعىنىڭ باتىرى مالىك عابدۋللينمەن ءبىر روتادا سوعىسقان. بەلارۋس, پولشا, ەستونيانى ازات ەتۋ مايداندارىنا قاتىسقان. 1943 جىلى رجەۆسك شايقاسىندا جاراقات العان. درەزدەندە جەڭىسكە جەتكەن.
سوعىستان كەيىنگى جىلداردا سامارا اۋداندىق اتقارۋ كوميتەتىنىڭ جالپى ءبولىمىنىڭ مەڭگەرۋشىسى بولىپ جۇمىس ىستەگەن. 1970 جىلدان باستاپ الماتىدا تاماقتانۋ جۇيەسىندە شارۋاشىلىق ەسەپ ديرەكتورى بولىپ, 1983 جىلى دەمالىسقا شىققان. بەس بالا تاربيەلەپ وسىرگەن.
102 جاسقا قاراعان شاعىندا ومىردەن وزعان قايىرلى جوڭقاباەۆ ەكىنشى دۇنيەجۇزىلىك سوعىستا كورسەتكەن ەرلىكتەرى ءۇشىن بىرنەشە وردەندەرمەن جانە مەدالدارمەن ماراپاتتالعان.
