پرەزيدەنت ۆەدومستۆونىڭ جاڭادان تاعايىندالعان باسشىسى ىشكى ىستەر ورگاندارىندا 30 جىل ەڭبەك ەتكەنىن, اۋداندىق جەدەل ۋاكىل قىزمەتىنەن ءمينيستردىڭ ورىنباسارى لاۋازىمىنا دەيىنگى ساتىدان وتكەنىن اتاپ ءوتتى.
قاسىم-جومارت توقاەۆ بۇرىنعى مينيستر مارات احمەتجانوۆتىڭ باسشىلىق ەتكەن كەزىندە ىشكى ىستەر ورگاندارىنىڭ قىزمەتىن ۇيىمداستىرۋداعى وڭ وزگەرىستەرگە ەرەكشە نازار اۋدارىپ, تسيفرلىق تەحنولوگيالاردى ەنگىزۋ, جول قوزعالىسى ەرەجەلەرىن بۇزۋ فاكتىلەرىن جەدەل تىركەۋ, سونداي-اق پوليتسيا جۇمىسىنىڭ اشىقتىعىن قامتاماسىز ەتۋ سىندى باستامالارىنا توقتالدى.
كەڭەس بارىسىندا مەملەكەت باسشىسى قاسىم-جومارت توقاەۆ كەشەگى قازاقستان حالقىنا جولداۋىندا ازاماتتارىمىزدىڭ ءال-اۋقاتىن جاقسارتۋ جانە تۇبەگەيلى الەۋمەتتىك-ەكونوميكالىق وزگەرىستەر جونىندە ناقتى تاپسىرمالار بەرگەنىن ايتتى. اتالعان تاپسىرمالاردىڭ ىسكە اسىرىلۋى كوبىنە قۇقىقتىق ءتارتىپتىڭ دەڭگەيىنە بايلانىستى ەكەنىن جانە وسى رەتتە پوليتسيا ماڭىزدى ءرول اتقاراتىنىن اتاپ ءوتتى.
