فوتو: aa.com.tr
«رەفورمالاردىڭ ىسكە اسىرىلۋىنا نەگىزىنەن اتقارۋشى بيلىك جاۋاپ بەرەدى. سوندىقتان, ەڭ الدىمەن, ونىڭ ءوزىن وزگەرتۋ قاجەت. وسى سالاداعى رەفورمانىڭ باستى باعىتتارى مىناداي. بىرىنشىدەن, ناقتى سالالارعا قاتىستى شەشىمدەردى ازىرلەۋ جانە ورىنداۋ مىندەتى, سونداي-اق تۇپكى ناتيجە ءۇشىن جاۋاپكەرشىلىك تولىعىمەن مينيسترلەرگە جۇكتەلەدى. ويتكەنى ولار ءوزىنىڭ بۇيرىعىمەن جەدەل شەشىم قابىلداپ وتىرۋعا ءتيىس. بۇل – اكىمدەرگە دە قاتىستى ماسەلە», دەدى ەل پرەزيدەنتى.
مەملەكەت باسشىسىنىڭ ايتۋىنشا, ەكونوميكالىق ساياساتتىڭ ىسكە اسىرىلۋىنا ۇكىمەت تولىعىمەن جاۋاپ بەرەتىن بولادى.
«ەكىنشىدەن, ەكونوميكالىق ساياساتتىڭ ىسكە اسىرىلۋىنا ۇكىمەت تولىعىمەن جاۋاپ بەرەدى. بيۋروكراتياعا جانە سوزبۇيداعا سالىنباي, پرەزيدەنت اكىمشىلىگىنە جالتاقتاماي, ەكونوميكانى دەربەس باسقارۋدىڭ بارلىق ءادىس-تاسىلدەرىن قولىندا ۇستاۋعا ءتيىس.
ۇشىنشىدەن, پرەزيدەنت اكىمشىلىگى باستى «ساياسي شتاب» رەتىندە مەملەكەتتى الەۋمەتتىك-ەكونوميكالىق دامىتۋدىڭ ستراتەگيالىق باعىتتارىنا, ىشكى جانە سىرتقى ساياسات, قورعانىس جانە قاۋىپسىزدىك, قۇقىق جانە كادر ساياساتى ماسەلەلەرىنە بارلىق كۇش-جىگەرىن جۇمىلدىرادى. مەملەكەتتىك اپپاراتتى بيۋروكراتيادان ارىلتۋ جولىنداعى جۇيەلى جۇمىس جالعاسا بەرەدى. مەملەكەتتىك جوسپارلاۋ جۇيەسىن تۇبەگەيلى وزگەرتۋ قاجەت. بىزگە ونىڭ مەيلىنشە شاعىن جانە قولايلى بولعانى ماڭىزدى», دەپ تۇيىندەدى قاسىم-جومارت كەمەل ۇلى.
