«ەلدى گازبەن قامتاماسىز ەتۋ دە – وزەكتى ماسەلە. تاۋارلى گازدىڭ رەسۋرستىق بازاسىن كەڭەيتۋ – ۇكىمەتتىڭ جانە ۇلتتىق گاز كومپانياسىنىڭ باستى مىندەتى. جاڭا گاز وڭدەۋ زاۋىتتارىنىڭ قۇرىلىسىن تەزدەتۋ جانە قولدانىستاعى زاۋىتتاردىڭ قۋاتىن بارىنشا پايدالانۋ قاجەت. ەلىمىزدەگى تەڭىز, قاشاعان, قاراشىعاناق سياقتى مۇناي-گاز الپاۋىتتارى گازدى قولجەتىمدى باعامەن ۇسىنۋعا ءتيىس. سونىمەن قاتار جاڭا گاز كەنىشتەرىن بارلاۋ جانە يگەرۋ ءۇشىن ينۆەستيتسيا تارتۋ اسا ماڭىزدى. ەلەكتر قۋاتى, جىلۋ جانە سۋ – تۇرمىسقا اسا قاجەتتى يگىلىكتەر. ونى ۇنەمدەپ پايدالانۋ كەرەك. بۇل جاڭا تۇرمىستىق مادەنيەتكە اينالۋى قاجەت.
جالپى, بۇل – ءۇي شارۋاسىنا عانا ەمەس, تۇتاس ەكونوميكاعا ورتاق تالاپ. قازىر سۋدى وڭدى-سولدى پايدالانۋعا مۇلدە بولمايدى. ۇكىمەت ەنەرگەتيكالىق تيىمدىلىك ساياساتىن تۇبەگەيلى قايتا قاراۋعا ءتيىس. وندا ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارى ەسكەرىلۋى كەرەك», دەدى مەملەكەت باسشىسى.
ونىڭ ايتۋىنشا, 2029 جىلعا قاراي ەنەرگيا شىعىنىنا بايلانىستى نەگىزگى كورسەتكىشتەر كەمىندە 15 پايىزعا ازايۋعا ءتيىس.
«ەنەرگەتيكانى ءتيىمدى پايدالانۋعا جانە باسقا دا رەسۋرستاردى ۇنەمدەۋگە قاتىستى ناقتى نورماتيۆتىك تالاپتاردى بىرتىندەپ ەنگىزۋ قاجەت. ءبىز «جاسىل» ەكونوميكانى دامىتۋ ماسەلەسىمەن مىقتاپ اينالىسۋىمىز كەرەك. بولاشاقتا بۇكىل الەم تازا ەنەرگەتيكاعا كوشەتىنى ءسوزسىز», دەدى ول.
