فوتو: gov.kz
«ورتا ءبىلىم بەرۋ جۇيەسىن قارجىلاندىرۋ سوڭعى بەس جىلدا ەكى ەسە ءوسىپ, 2 تريلليون تەڭگەدەن 4,5 تريلليون تەڭگەگە ۇلعايدى. «جايلى مەكتەپ» ۇلتتىق جوباسى جۇزەگە اسىرىلىپ, 369 ءبىلىم بەرۋ وشاعى سالىنادى. وعان قوسا ءبىلىم بەرۋ ينفراقۇرىلىمىن قولداۋ قورى قۇرىلدى. اتالعان قوردىڭ ەسەپ-شوتىندا سىبايلاس جەمقورلىققا قارسى ءىس-شارالار شەڭبەرىندە مەملەكەتكە قايتارىلعان قاراجات جيناقتالادى. بۇگىنگى كۇنى قورعا 120 ميلليارد تەڭگە ءتۇستى. ونىڭ 92 ميلليارد تەڭگەسى 62 مەكتەپتىڭ قۇرىلىسىنا جۇمسالدى. جوعارى ءبىلىم بەرۋدىڭ قولجەتىمدىلىگىن قامتاماسىز ەتۋ ماقساتىندا جىل سايىن وتاندىق جوعارى وقۋ ورىندارىندا ءبىلىم بەرۋ گرانتتارى ارتىپ كەلەدى. وسى جىلى بولىنگەن 88 مىڭ ءبىلىم گرانتىنىڭ 73 مىڭى مەكتەپ تۇلەگىنە بەرىلدى», دەدى ۇكىمەت باسشىسى «AMANAT» پارتياسى فراكتسياسىنىڭ كەڭەيتىلگەن وتىرىسىندا.
