فوتو: شاكىر كەيكىن ۇلىنىڭ Facebook پاراقشاسى
اتىراۋدا مەملەكەتتىك مەرەكە كۇندەرى اۆتوبۋستار تەگىن قاتىنايدى. قالا اكىمى وسى يگى ءداستۇر ءبىلىم كۇنىندە دە جالعاساتىنىن ايتتى.
ء«وزىمنىڭ تاراپىمنان وقۋ جىلىنىڭ العاشقى كۇنىنىڭ ماڭىزدىلىعىن ەسكەرىپ, اتا-انالار مەن وقۋشىلاردىڭ, مۇعالىمدەر مەن باسقا دا قالا تۇرعىندارىنا كوتەرىڭكى كوڭىل-كۇي سىيلاۋ ماقساتىندا اۆتوبۋستا تەگىن قاتىناۋ تۋرالى «اقجايىق», «اتىراۋ», «العابۋس» اۆتوپاركى باسشىلارىنا ۇسىنىس بىلدىرگەن بولاتىنمىن. اتالعان اۆتوپارك باسشىلارى ۇسىنىسىمدى ءبىراۋىزدان قولداپ, 1 قىركۇيەك كۇنى اتىراۋ قالاسى جانە قالاعا قاراستى ەلدى مەكەندەرگە قاتىنايتىن بارلىق مارشرۋتتاعى اۆتوبۋستاردىڭ تەگىن قىزمەت كورسەتۋگە دايىن ەكەنىن ايتتى», دەپ جازدى شاكىر كەيكىن ۇلى.
وسى ورايدا ول اتالعان اكتسيانى قولداعان اۆتوپارك باسشىلارى مەن قىزمەتكەرلەرىنە العىس ايتىپ, جاڭا وقۋ جىلىنا ساتتىلىك تىلەدى.
