فوتو: Polisia.kz
مينيستر مەكتەپتەردىڭ بىرىمەن بايلانىسقا شىقتى. ايتا كەتۋ كەرەك, وقۋ ورداسىندا دابىل جۇيەسى ىسكە قوسىلسا, سيگنال بىردەن پوليتسياعا تۇسەدى.
شىمكەنتتە 246 مەكتەپ بار, ونىڭ 151-ءى مەملەكەتتىك. ونداعى بەينەكامەرالار سانى 2600-دەن اسادى. مينيستر دەپارتامەنتتىڭ جاڭا باسشىسىنا ولاردى تولىعىمەن پوليتسياعا شىعارىپ, وسى باعىتتاعى جۇمىستى جەتىلدىرۋدى تاپسىردى.
– مەكتەپتەر مەملەكەتتىك, جەكە مەنشىك دەپ بولىنبەي, تولىعىمەن جەدەل باسقارۋ ورتالىعىنا شىعارىلۋى ءتيىس. بۇل بالالاردىڭ قاۋىپسىزدىگى ءۇشىن قاجەت. پوليتسيا دەپارتامەنتىنىڭ باسشىسىنا ءبىرىنشى كەزەكتە وسى جۇمىستى قولعا الۋدى تاپسىردىم. سونىمەن قاتار وقۋ ورىندارىنىڭ ماڭىنداعى جول ينفراقۇرىلىمىن, جاياۋ جۇرگىنشىلەر وتكەلىنىڭ بار-جوعىن, مەكتەپ اۆتوبۋستارىنىڭ جاي-كۇيىن تەكسەرۋدى جۇكتەدىم, – دەدى مارات احمەتجانوۆ.
سونداي-اق ۆەدومستۆو باسشىسى جەكە قۇراممەن كەزدەسىپ, پوليتسياعا جۇكتەلگەن مىندەتتەردى ەسكە سالدى. قىزمەتكەرلەردىڭ دە, ازاماتتاردىڭ دا تاراپىنان زاڭسىزدىق پەن باسسىزدىققا جول بەرىلمەۋ قاجەتتىگىن باسا ايتتى.
جۇمىس ساپارىنىڭ سوڭىندا مارات احمەتجانوۆ مينيسترلىكتىڭ باۋىرجان مومىش ۇلى اتىنداعى وقۋ ورتالىعىنا باردى. مۇندا ول پوليتسەي بولۋدى ماقسات تۇتىپ, ءار وڭىردەن بىلىكتىلىگىن ارتتىرۋعا كەلگەن جاس تىڭداۋشىلارمەن جۇزدەستى. ورتالىقتىڭ اۋماعىندا جىلدام قيمىلدايتىن ارنايى جاساققا ارنالعان ءۇي-جاي مەن الاڭ سالىنباق.
