فوتو: ەلوردا اكىمدىگىنىڭ ءباسپاسوز قىزمەتى
قالالىق ىشكى ساياسات باسقارماسى ۇيىمداستىرعان جيىنعا استانا قالاسىنىڭ قوعامدىق كەڭەسى مۇشەلەرى, ءماسليحات دەپۋتاتتارى مەن ۇكىمەتتىك ەمەس ۇيىمدار جانە باق وكىلدەرى قاتىستى.
«1991 جىلدىڭ 29 تامىزىندا الەمدە نەۆادا پوليگونىنان كەيىنگى كولەمى جاعىنان ەكىنشى ورىندا تۇرعان سەمەي يادرولىق پوليگونىنىڭ جابىلۋى تۋرالى جارلىققا قول قويىلدى. بۇل كەزدەسۋدە وسى تاريحي وقيعانى ەسكە الىپ, تالقىلاۋ ءۇشىن جينالىپ وتىرمىز», دەدى استانا قالاسى ىشكى ساياسات باسقارماسى باسشىسىنىڭ ورىنباسارى ءلاززات قۇسايىنوۆا.
بۇدان سوڭ دوڭگەلەك ۇستەل باسىنا جينالعاندار سەمەي پوليگونى زاردابىنان قازا بولعانداردى 1 مينۋت ۇنسىزدىكپەن ەسكە الدى. ءارى قاراي «سەمەي يادرولىق پوليگونى» قوعامدىق قورىنىڭ گيمنىن تىڭداپ, اتقارىلعان ىستەر تۋرالى بەينەباياندى تاماشالادى.
العاشقى ءسوز كەزەگىن العان «سەمەي يادرولىق پوليگونى» قوعامدىق قورىنىڭ توراعاسى ابدىكارىم بولاتبەك پوليگوننان زارداپ شەككەندەردىڭ جاعدايى تۋرالى باياندادى. استانا قالاسى قوعامدىق كەڭەسىنىڭ مۇشەسى كارىمبەك قۇرماناليەۆ, «قر سەمەي يادرولىق سىناق پوليگونى ەرەكشە تاۋەكەل ەتۋشىلەر ءبولىمىنىڭ ارداگەرلەرى مەن مۇگەدەكتەرىنىڭ قاۋىمداستىعى» زاڭدى تۇلعالار بىرلەستىگىنىڭ باسشىسى ەرجان دۇيسەنباەۆتار ءوز ويلارىن ورتاعا سالدى.
