ء«بىز بۇگىن كونستيتۋتسيا كۇنىنە وراي ارنايى جينالدىق. بۇل – ەلىمىز ءۇشىن ايرىقشا ماڭىزدى مەرەكە. اتا زاڭىمىز – مەملەكەتتىگىمىزدىڭ تۇعىرى بەرىك بولۋىن قامتاماسىز ەتەتىن ەڭ باستى قۇجات. ونىڭ ءاربىر تارماعى مۇلتىكسىز ورىندالسا عانا ادىلدىك پەن زاڭ ۇستەمدىگى ورنىعادى.
بارشاڭىزعا ءمالىم, بىلتىرعى رەفەرەندۋمدا حالىق اۋقىمدى كونستيتۋتسيالىق رەفورماعا قولداۋ كورسەتتى. اتا زاڭعا ماڭىزدى وزگەرىستەر مەن تولىقتىرۋلار ەنگىزىلدى. سونىڭ ءبارى مەملەكەت باسقارۋ مودەلىن جاڭعىرتۋعا نەگىز بولدى.
رەفورما جاساۋ كەزىندە ەڭ الدىمەن قۇقىق قورعاۋ سالاسىنا باسا ءمان بەرىلدى. كونستيتۋتسيالىق سوت قۇرىلدى. ومبۋدسمەن ينستيتۋتى جانە پروكۋراتۋرا ورگاندارىنىڭ مارتەبەسى ارتتى. ءبىر سوزبەن ايتقاندا, ازاماتتاردىڭ قۇقىقتارىن قورعاۋ جۇيەسى ايتارلىقتاي نىعايا ءتۇستى. رەفورمانىڭ ناقتى ناتيجەسى بار», دەدى پرەزيدەنت ادام قۇقىقتارىن قورعاۋ جۇيەسىنىڭ وكىلدەرىمەن كەزدەسۋ بارىسىندا.
