سىبايلاستىقتى انىقتايتىن جوبا

سىبايلاس جەمقورلىققا قار­سى ء­ىس-قيمىل اگەنتتىنىڭ اتىراۋ وب­لىس­تىق دەپارتامەنتى باس­شى­سىنىڭ ءبىرىن­شى ورىنباسا­رى نۇرلان ءجاحيننىڭ ايتۋىن­شا, جوبانىڭ ماقساتى – بەل­­سەندى ازاماتتاردى, قوعامدىق بىر­­لەستىكتەردى, جەكە جانە كۆا­­زي­مەم­لەكەتتىك سەكتور سۋ­بەك­­تىلەرىن, سون­داي-اق باسقا دا ۇيىمداردى سىبايلاس جەم­قور­لىققا قارسى ءىس-شارالارعا ەرىكتى رەتىندە تارتۋ. جوبا اياسىندا ەرىكتىلەر بىرنەشە باعىت بويىنشا جەمقورلىققا قارسى كۇرەس جۇرگىزۋگە كومەك كورسەتە الادى.

«اتىراۋ وبلىسىندا وزەكتى ما­سە­لەلەردىڭ وڭ شەشىمىن تابۋىنا ىقپال ەتەتىن سىبايلاس جەم­قور­لىق تاۋەكەلدەرىنىڭ كارتاسى ەنگىزىل­دى. الايدا اتالعان قىل­مىسقا قارسى اشىقتىقتىڭ بول­ماۋىنان, اكىمشىلىك كەدەر­گىلەر مەن زاڭنامانىڭ جەتىلدى­رىل­­مەۋى سالدارىنان تۋىندايتىن پروب­لەمالار بار. سول سە­بەپ­تەن, بەل­سەندى ازاماتتاردى «سى­بايلاس جەم­قورلىققا قار­سى ۆو­لونتەرلىك» جوباسىنا ەرىكتى بو­لۋ­عا شاقىرامىن», دەيدى ن.جاحين.

ماسەلەن, جوبانىڭ ءبىرىنشى باعىتى – قوعامدىق باقىلاۋ. مۇ­نىڭ باستى تارماعى مونيتورينگ جۇرگىزىپ, قورىتىندىسىمەن بولى­سۋگە بايلانىستى بولىپ وتىر. موني­تورينگتى مەملەكەتتىك ساتىپ الۋ پور­تالىندا باعانى كوتەرۋ مانىنە, بيۋدجەت قارا­جاتىن جۇمساۋ تيىم­دى­لىگىنە, ءوڭىر­دىڭ پروبلەمالىق ماسە­لە­­لەرىنە, ءتيىستى جۇمىس ساپاسى جوق وبەكتىلەرگە, اۋىل شارۋا­شىلىعى ماقساتىنداعى جەرلەردى پايدالانۋعا, ۇلتتىق جوبالاردى, وڭىرلەردى دامىتۋ جوسپارلارىن ىسكە اسىرۋعا, اقپاراتتىڭ قولجەتىمدىلى­گىن قامتاماسىز ەتۋ بولىگىندە زاڭ­ناما تالاپتا­رى­نىڭ ساقتالۋىنا, الەۋ­مەتتىك ماڭىزى بار مەكەمەلەردىڭ جاي-كۇيىنە مونيتورينگ جۇرگىزۋگە بولادى.

ەكىنشى باعىت – سىبايلاس جەم­قورلىققا قارسى زەرتتەۋ جانە اعارتۋ. ەرىكتىلەرگە سىبايلاس جەمقورلىق پروبلەمالارىن زەرتتەۋ, كەيىننەن ونى جويۋ جانە الدىن الۋ بويىنشا ۇسىنىستار ازىرلەۋ ۇسىنىلىپ وتىر. سونداي-اق ستۋدەنتتەر اراسىندا سىبايلاس جەمقورلىق­قا قار­سى مادەنيەتتى قالىپ­تاس­تىرۋ, اتال­عان قىلمىسقا قار­سى شەشىمدەردى ازىر­لەۋ, فورۋمدار, كونفەرەنتسيالار, سە­مينارلار سەكىلدى ءىس-شارالار­دى ۇيىمداستىرۋ, فيلمدەر, سەريال­دار ءتۇسىرۋ ادىسىمەن كونتەنت جاساۋعا قاتىسۋ, الەۋمەتتىك روليكتەر ازىرلەۋ بار.

ال «Pro bono» ۆولونتەرلىك با­عى­­تىنىڭ اۋقىمى كەڭ. بۇل با­­عىتتا ادۆوكاتتار مەن نو­تا­­ريۋستاردىڭ, سوت ورىن­داۋ­شى­لارىنىڭ, كاسىپوداقتار مەن ار­داگەرلەر ۇيىمدارى وكىل­دەرى­نىڭ ازاماتتار مەن ەڭبەك ۇجىم­دا­رىنا تەگىن قۇقىقتىق كومەك كورسەتۋى كوزدەلگەن. كومپلاەنس-وفي­تسەرلەر­دى پراكتيكالىق وقى­تۋ, سىبايلاس جەم­قورلىق تاۋە­كەلدەرىن جانە وعان قارسى موني­تورينگتەردى سىرتقى تال­داۋعا ساراپشىلار تارتىلادى.

ءتورتىنشى باعىت – كورپو­را­تيۆ­تىك ەرىكتىلىك. وسى ورايدا تۇ­تىنۋ­شىلارعا بەرىلەتىن تالوندار مەن تۇ­بىرتەكتەردىڭ ارتقى بەتىنە سىبايلاس جەمقورلىققا قارسى باننەرلەردى ورنالاستىرۋ, سىبايلاس جەمقورلىق­قا قارسى push-حابارلامالاردى جىبەرۋ كونتەنتىن ىلگەرىلەتۋگە باسىمدىق بەرىلەدى.

«بۇل جوبا اياسىندا اتىراۋ ۆو­لونتەرلەرى يساتاي اۋدانى­نىڭ ورتالىعى – اققىستاۋ اۋى­لىنداعى كەنتىشىلىك جولدار­دى قايتا جاڭارتۋ كەزىندە بيۋد­جەت قاراجاتىنىڭ ءتيىم­سىز جۇم­­سالعانىن انىقتادى. ۆولون­تەرلەر اتالعان اۋىلداعى دوستىق جانە اباي كوشەسىندەگى اسفالت­بەتون جابىندىسىنىڭ بۇزىلعا­نى, شۇڭقىرلار تۋرالى اقپاراتتى انتيكورعا جىبەردى. اتاپ ايتقاندا, يساتاي اۋدا­نى اكىمدىگىنىڭ لاۋازىمدى تۇل­عالارى يساتاي اۋداندىق تۇر­عىن ءۇي-كوممۋنالدىق شا­رۋا­شى­لىق ءبولىمى مەن «ينفورم­سترويسەر­ۆيس» جشس اراسىن­دا كەنتىشىلىك جول­دار­دى رەكون­سترۋك­تسيالاۋعا 1,4 ملرد تەڭگە سو­ماعا جاسالعان قولدانىستا­عى شارت شەڭبەرىندە اتقارعان جۇ­مىسى تۋرالى جالعان اكتىلەرگە قول قويعان» دەپ حابارلادى دە­پار­تامەنت­تىڭ ءباسپاسوز قىزمەتى.

قازىر بۇل دەرەك راستا­لىپ وتىر. ەرىكتىلەردىڭ قىرا­عىلى­عىنىڭ ناتي­جەسىندە, بيۋدجەتتىڭ 78 ملن تەڭگە­دەن استام قارجى­سىن جىمقىرۋ قاۋپى تۋىندا­عانى انىقتالعان.

اتىراۋ وبلىسى