فوتو: parlam.kz
قاراقيا اۋدانىندا 416 شارۋاشىلىق بولسا, ونىڭ 41-ءى ەگىنمەن اينالىسادى. ماڭعىستاۋلىق ەگىنشىلەر ءبارىن وسىرۋگە دايىن, تەك مەملەكەتتەن قولداۋ كەرەك دەيدى. بۇگىنگى كەزدەسۋگە كەلگەن ەگىنشىلەر وسىنداي ۇسىنىستارىن جەتكىزدى.
ەگىن شارۋاشىلىعىندا تامشىلاتىپ سۋارۋ ادىسىنە سۋبسيديا قاراستىرىلعان. الايدا قاراقيالىق ديقاندار ونى الماعان. ەگىن ءوسىرۋ ءۇشىن قۇنارلى جەر, تۇششى سۋ, ەلەكتر ەنەرگياسى جانە ءتۇرلى تىڭايتقىش كەرەك. ەگىنشىلەر وسىعان دا سۋبسيديا ءبولۋدى سۇراپ وتىر.
«تۇراقتى ءونىمدى وتكىزەتىن جەر جوق. ديقانداردان ارزان باعادا الىپ, قىمباتقا ساتادى. وتپەي قالسا, شىرىگەن جەمىستى قايتا تاپسىرادى. ودان بىزگە نە پايدا؟ 20-30 تەڭگە قوسسا, حالىققا دا پايدا ءارى جىلدام وتەر ەدى. ەگىنمەن اينالىسۋ وڭاي شارۋا ەمەس. وزدەرى ەگەدى, وزدەرى تەرەدى. ەگىن شارۋاشىلىعىنا ەشكىم كەلگىسى كەلمەيدى. جۇمىس كۇشى ماسەلەسى دە وزەكتى بولىپ وتىر», دەيدى ديقان باۋىرجان تۋلەپوۆ.
قاراقيالىق ديقاندار جەمىس-جيدەكتەر مەن كوكونىستەر وسىرەدى. بۇل ورايدا ولار وسى سالاعا قولداۋدى ارتتىرسا دەگەن نيەتتە.
«ازىق-ت ۇلىكتىڭ 70-80 پايىزى سىرتتان كەلەدى. سوعان قاراماستان ديقاندار قاراقيا اۋدانىندا ەگىن ەگىپ, ءتۇرلى ءونىم الىپ وتىر. ولاردىڭ ۇسىنىس-پىكىرلەرىن, ۋاجدەرىن تىڭداپ, ماسەلەلەرىن كوزبەن كوردىك. ەندى شەشۋ جولدارىن بىرگە قاراستىرامىز», دەدى ە.جاڭبىرشين.
