فوتو: gazeta.ru
Baza تەلەگرام ارناسىنىڭ حابارلاۋىنشا, ۇشاقتا پريگوجيننىڭ ەكى ورىنباسارى بولعان. دميتري ۋتكين - پودپولكوۆنيك, 2013 جىلعا دەيىن قورعانىس مينيسترلىگى گرۋ ارنايى كۇشتەرىنىڭ 2-ءشى جەكە بريگاداسىنىڭ 700-ءشى ارنايى جاساعىنىڭ جانە «ۆاگنەر» توبىنىڭ كومانديرى. ۆالەري چكالوۆ − ەكس-كاسىپكەر, پريگوجيننىڭ بيزنەس قۇرىلىمدارىمەن بايلانىسى بار ادام. «ۆاگنەر» كومپانياسىنداعى پريگوجيننىڭ ورىنباسارى جانە قاۋىپسىزدىك قىزمەتىنە جاۋاپتى قىزمەتكەر بولعان.
ۇشاق بورتىندا اتالعان كومپانيانىڭ جاۋىنگەرلەرى ەۆگەني ماكاريان, الەكساندر تومين جانە سەرگەي پروپۋستين دە بولعان دەگەن دەرەك بار.
Mash تەلەگرام-كانالىنىڭ مالىمەتىنە سۇيەنسەك, ۇشاقتا سونداي-اق كەمە كومانديرى الەكسەي لەۆشين, بورتسەرىك كريستينا راسپوپوۆا بولعان.
