dauletten.kz
«قارجىلىق ءىس-شارالاردىڭ اراسىندا سۋبسيديا ۇلكەن سۇرانىسقا يە. سۋبسيديا ەكىنشى دەڭگەيلى بانكتەر بەرەتىن كرەديتتەردى ارزانداتۋ ماقساتىندا ۇسىنىلادى. سىياقى مولشەرلەمەسىنىڭ ءبىر بولىگىن سۋبسيديالاۋ قۇرالى اياسىندا مەملەكەت 13,78 پايىزىن سۋبسيديالايدى, ال كاسىپكەر 8 پايىزىن تولەيدى. بۇل وبلىس ورتالىقتارىنداعى جاعداي. ال اۋىلدىق ەلدەرگە باسىمدىق بەرىلگەن. ولار 7 پايىزىن تولەيدى. «قاراپايىم زاتتار ەكونوميكاسى» باعدارلاماسى مەن «بيزنەس جول كارتاسى» جۇزەگە اسىرىلعان ساتتەن بەرى كرەديتتىك قورجىنى شامامەن 7 ترلن تەڭگە بولاتىن 965 مىڭ جوبا سۋبسيديا تۇرىندەگى قولداۋعا يە بولدى», دەدى دەپارتامەنت ديرەكتورى ورتالىق كوممۋنيكاتسيالار قىزمەتىندە وتكەن دوڭگەلەك ۇستەل وتىرىسى بارىسىندا.
سونداي-اق ونىڭ ايتۋىنشا ۇلتتىق ەكونوميكا ءمينيسترى جارتىلاي كەپىلدىك بەرۋ قۇرالىن دا جۇزەگە اسىرىپ جاتىر. ول كرەديت الۋ كەزىندە كەپىلدىڭ جەتپەي قالۋ پروبلەماسىن شەشۋگە باعىتتالعان. كەپىل مولشەرى 360 ملن تەڭگەگە دەيىن كرەديت سوماسىنىڭ 85 پايىزى, 600 ملن تەڭگەگە دەيىن كرەديت سوماسىنىڭ 70 پايىز, ال 1 ملرد تەڭگەگە دەيىن كرەديت سوماسىنىڭ 50 پايىزى. بۇل قۇرال ارقىلى كرەديتتىك قورجىنى 1,4 ترلن تەڭگە بولاتىن 57,5 مىڭنان استام جوباعا قولداۋ كورسەتىلدى. مۇنان بولەك, مينيسترلىك اۋىلدىق جەردەگى مولشەرلەمەسى 7, ال وبلىس ورتالىقتارىندا 8 پايىز بولاتىن شاعىن نەسيە بەرۋ قولعا الىنعان.
ايتا كەتەيىك 2010-2021 جىلدارى ارالىعىندا مەملەكەتتىك قولداۋ ءىس-شارالارىنىڭ ارقاسىندا 120 مىڭعا جۋىق جاڭا جۇمىس ورنى قۇرىلىپ, 53,1 ترلن تەڭگەنىڭ ءونىمى شىعارىلدى. بيۋدجەتكە 3,4 ترلن تەڭگە سالىق تولەندى.
