فوتو: استانا اكىمدىگىنىڭ ءباسپاسوز قىزمەتى
ەسىل اۋدانىندا عارىشتىق مونيتورينگ ناتيجەلەرى بويىنشا 2023 جىلى ستيحيالىق قوقىس تاستالعان 72 ورىن تابىلدى. قازىرگى ۋاقىتتا ولاردىڭ 20-سى پىسىقتالدى, قالعاندارى بويىنشا جۇمىستار اياقتالۋ ساتىسىندا.
قۇرىلىس كومپانيالارى 6 مىڭ توننادان استام قوقىس شىعاردى.
بيىل ەكولوگيالىق ايلىقتى جانە كوممۋنالدىق سەنبىلىكتەردى ەسكەرە وتىرىپ, بارلىعى 24 500 توننادان استام قوقىس شىعارىلدى.
نۇرا اۋدانى بويىنشا جالپى كولەمى 30 مىڭ توننادان اساتىن قوقىسى بار رۇقسات ەتىلمەگەن 45 ورىن انىقتالدى. ونىڭ 13-ءى جويىلدى. 10 مىڭ تونناعا جۋىق قالدىق شىعارىلدى.
رۇقسات ەتىلمەگەن پوليگونداردى اكەتۋگە 4 قۇرىلىس كومپانياسى جۇمىلدىرىلعان.
جىل باسىنان بەرى الماتى اۋدانىنان 9 350 توننادان استام (1226 رەيس) قوقىس شىعارىلدى. «قازاقستان عارىش ساپارى» عارىشتىق سۋرەتتەرىنە سايكەس رۇقسات ەتىلمەگەن قوقىس تاستايتىن 39 ورىن انىقتالدى. ونىڭ 38-ءى پىسىقتالدى.
سارىارقا اۋدانىندا تابىلعان 24 ورىننىڭ 20-سىندا زاڭسىز قوقىس ورنى جويىلىپ, 15 مىڭ توننا قوقىس شىعارىلدى.
قۇرىلىس قوقىستارىن زاڭسىز شىعارۋ فاكتىلەرىن بولدىرماۋ ءۇشىن ەكولوگيالىق پوليتسيا جۇمىلدىرىلادى. وسى جىلدىڭ باسىنان باستاپ اباتتاندىرۋ جانە سانيتاريا نورمالارىن بۇزۋ تۋرالى 605 حاتتاما جاسالدى, 5,5 ملن تەڭگە سوماسىنا ايىپپۇل سالىندى.
«قازاقستان عارىش ساپارى» عارىشتىق سۋرەتتەرى بويىنشا بايقوڭىر اۋدانىندا 22 ورىن انىقتالدى, ونىڭ سەگىزى راستالدى. ولاردىڭ بارلىعى جويىلدى.
زاڭسىز پوليگونداردى جويۋ جۇمىسى جالعاسىپ جاتىر. ولاردىڭ اراسىندا جاڭا وشاقتاردىڭ پايدا بولۋىنا جول بەرمەۋ بويىنشا شارالار قابىلدانۋدا.
