POLICE_OF_KZ
جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى ەلورداعا ەسىرتكى جەتكىزۋ, ساتۋمەن اينالىسقان قىلمىستىق توپ ارەكەتىنىڭ جولىن كەسكەن.
ماسەلەن, توقپانوۆ كوشەسىنىڭ اۋماعىندا بۇرىن سوتتالعان 26 جانە 23 جاستاعى بىرگە تۇراتىن قالا تۇرعىندارى انىقتالعان. كۇدىكتىلەردىڭ تۇرعىلىقتى جەرىن ءتىنتۋ كەزىندە ساتۋعا دايىندالعان ماريحۋانا جانە مەفەدرون ەسىرتكى زاتى سالىنعان ءۇش پوليەتيلەن پاكەت, سونداي-اق ەلەكتروندى تارازىلار, زيپ پاكەتتەر جانە 1,2 ميلليون تەڭگەدەن استام اقشا تابىلعان.
جەدەل-ىزدەستىرۋ ءىس-شارالارى بارىسىندا ەسىرتكى ساتۋشىلاردىڭ تاۋارلاردى جاسىرىپ قويۋ ارقىلى ينتەرنەتتىڭ كومەگىمەن ساتقانى انىقتالدى.
تەرگەۋ جەدەل ءىس-شارالارىن جۇرگىزۋ كەزىندە ۇستالعان ازاماتتار پوليتسيا قىزمەتكەرلەرىنە ەسىرتكى زاتتارى جاسىرىنعان قۇپيا ورىنداردى كورسەتكەن. بۇعان قوسا ەرەن-قابىرعا كوشەسىنەن ەسىرتكى زاتى بار 100 پوليەتيلەن تۇيىنشەك تاركىلەنسە, تاۋەلسىزدىك داڭعىلىندا ەسىرتكى زاتى بار تاعى دا 100 پوليەتيلەن تۇيىنشەك تابىلعان. ارنايى وپەراتسيا ناتيجەسىندە ەكى كەلىدەن استام مەفەدرون سينتەتيكالىق ەسىرتكى زاتى جانە 200 گرامم ماريحۋانا تاركىلەنگەن. اتالعان فاكتى بويىنشا قر قك-ءنىڭ 297-بابى 3-بولىگى (قىلمىستىق توپپەن, اسا ءىرى كولەمدە ەسىرتكى زاتتارىن وتكىزۋ) بويىنشا قىلمىستىق ءىس قوزعالدى. ۇستالعان تۇلعالار ۋاقىتشا ۇستاۋ يزولياتورىنا قامالدى, تەرگەۋ امالدارى جۇرگىزىلىپ جاتىر.
