فوتو: vesti.kz
جارتىلاي فينالدا الماتىنىڭ «قايراتى» جەرگىلىكتى «بارسەلونادان» 1:6 ەسەبىمەن ويسىراي ۇتىلدى. ءبىزدىڭ كوماندامىزدىڭ ويىنشىلارى اراسىنداعى جالعىز گولدىڭ اۆتورى – دەنەر رودريگو. «بارسەلونانىڭ» ساپىندا كاتەلا ءدۋبلدىڭ اۆتورى اتانسا, سەرحيو گونسالەس, ديەگو جانە ادولفو ءبىر-ءبىر رەتتەن نىسانانى ءدال كوزدەدى. تاعى ءبىر دوپتى الماتىلىقتار ءوز قاقپاسىنا سوعىپ الدى. ەكىنشى جارتىلاي فينالدا «ۆالدەپەنياس» «پالمانى» 4:3 ەسەبىمەن ۇتتى. قولا مەدال ءۇشىن باسەكەدە «قايرات» «پالمامەن» كەزدەسىپ, ولاردىڭ قاقپاسىنا جاۋاپسىز جەتى گول سوقتى – 7:0. برازيليالىق لەگيونەر دەنەر رودريگو حەت-تريك جاساسا, كايو رۋيس, ەدسون, الليسون دە ليما جانە دۋگلاس نىسانانى ءدال كوزدەدى. ال باس جۇلدە «بارسەلوناعا» بۇيىردى. فينالدا ولار «ۆالدەپەنياستى» 2:1 ەسەبىمەن جەڭدى.
«قايرات» 23-26 تامىز كۇندەرى پورتۋگاليادا وتەتىن «Masters Cup» دوداسىندا دا باق سىناۋدى كوزدەپ وتىر. بۇل جارىسقا الماتىلىقتاردان بولەك, جەرگىلىكتى «سپورتينگ», «بەنفيكا» جانە «براگا» قاتىسادى.
