فوتو: ءشاريپا جۇمابايقىزىنىڭ جەكە مۇراعاتىنان
ءشاريپا جۇمابايقىزى جۇبايىنىڭ ۇسىنىسىن قولداپ, قازىر اۋىلدا مال باعىپ ءجۇر. قالاداعى قىزمەتتەن كەتكەن وتباسىنىڭ قىرداعى قىزىق تىرلىگى بۇگىندە الەۋمەتتىك جەلى قولدانۋشىلارىنىڭ كوز الدىندا. «مالشى قىز» ءوزىنىڭ جەكە پاراقشاسىنا قوي قىرقۋ, مالدارعا ەكپە سالۋ, ەمدەۋ دەگەن سىندى ۆيدەولاردى ءجيى جۇكتەپ تۇرادى.
جاقىندا «اق جەلكەن» جۋرنالىنا ءشاريپانىڭ اۋىلداعى تىرلىگى جايىندا «تورعاي قىز», جاس جۋرناليست جانە قىرداعى قىزعالداق» اتتى جازبا جاريالاندى. وندا جۋرناليست قىز نامىسقا تىرىسىپ كوپ نارسەنى ۇيرەنگەنىن ايتادى. سيىر ساۋىپ, قايماق, ماي, ىرىمشىك, قۇرت, ايران – ءبارىن ءبىر ءوزى جاساپ وتىر.
ءۇش جىلدان بەرى اۋىل ءومىرى مەن مال باعۋدىڭ قىر-سىرىن مەڭگەرىپ العان كەلىنشەك: «بۇل دا ءبىر ءومىردىڭ ءوتۋى كەرەك كەزەڭى شىعار. بىلگەنىم, ۇيرەنگەنىم وزىمە جاقسى. ارينە, ارمانىم قىردا وتىرىپ مال باعۋ ەمەس-ءتىن. بىراق ادامنىڭ دەگەنى ەمەس, اللانىڭ قالاۋى بولادى. بۇيىرتسا بۇل جۇمىستىڭ دا ءبىر ىڭعايىن شىعارىپ, قايتا ەفيرگە ورالارمىن. ول – ۋاقىت ەنشىسىندەگى دۇنيە», دەيدى.
