«بەكىتىلگەن ينۆەستيتسيالىق باعدارلاماعا سايكەس بيىل يندۋستريالنايا كوشەسى بويىنداعى كىرپىش زاۋىتى اۋدانىنداعى ماگيسترالدىق قۇبىر ۋچاسكەسىن قوسىمشا قۇن سالىعىنسىز 23 ملن تەڭگە سوماسىنا جاڭالاۋ جۇمىسى جوسپارلاندى. ساراپتاۋ امالدارى كەزىندە مولودەجنايا كوشەسىنىڭ بويىنداعى ماگيسترالدىق قۇبىرلاردىڭ توزىعى جەتكەنى انىقتالدى. الداعى ۋاقىتتا وقىس وقيعالاردىڭ الدىن الۋ ماقساتىندا قۇبىرلاردى اۋىستىرۋ شارالارى جەدەل تۇردە قولعا الىندى. مەردىگەر – «Bolashak Build Company» كومپانياسى تاراپىنان تابيعي مونوپوليالاردى رەتتەۋ كوميتەتىنە ينۆەستيتسيالىق باعدارلاماعا ءتيىستى وزگەرتۋ ەنگىزۋگە ءوتىنىم جولدادى. كوميتەت ۇسىنىستى قاراستىرىپ جاتىر», دەيدى «شاحتينسكتەپلوەنەرگو» جشس ديرەكتورى مۇرات ءالىموۆ.
شاھارداعى جالعىز جىلۋ كومپانياسى 250 كوپقاباتتى تۇرعىن ءۇيدى, 25 الەۋمەتتىك نىساندى, 17 ءبىلىم نىسانىن, ءتورت مەديتسينالىق مەكەمەنى, ءۇش مادەنيەت جانە ءبىر سپورت نىسانىن جىلۋمەن قامتيدى. ونىمەن قوسا, 15 اكىمشىلىك نىسان بار.
«ينۆەستيتسيالارعا ايىرباستاۋ ءتاريفى» مەملەكەتتىك باعدارلاماسى شەڭبەرىندە ينۆەستباعدارلاماعا بيۋدجەت قاراجاتى ەسەبىنەن ورىندالاتىن جانە ءتاريفتىڭ شاماسىنا اسەر ەتپەيتىن جالپى سوماسى 77 ميلليون تەڭگەگە 536 مەتر جىلۋ جەلىلەرىن اۋىستىرۋ بويىنشا قوسىمشا ءىس-شارالار ەنگىزىلگەن ەدى. مەملەكەتتىك ساتىپ الۋ قورىتىندىسى بويىنشا مەردىگەرلەرمەن ءتيىستى كەلىسىمشارتتار جاسالىپ, جۇمىستار كەستەگە سايكەس جۇرگىزىلىپ جاتىر.
ينۆەستيتسيالىق باعدارلامانىڭ بارلىق ءىس-شاراسى شاحتينسك قالاسىنىڭ تۇرعىندارى مەن كاسىپورىندارىن جىلۋ ەنەرگياسىمەن تۇراقتى قامتاماسىز ەتۋگە باعىتتالعانى بەلگىلى. بۇل رەتتە كەشەندى اتقارىلىپ جاتقان جۇمىستاردىڭ ءبىر بولىگى قالانىڭ تىنىس-تىرشىلىگىن قولداۋ ءۇشىن ەرەكشە ماڭىزدى.
تابيعي مونوپوليالاردى رەتتەۋ كوميتەتىنىڭ قاراعاندى وبلىسى بويىنشا دەپارتامەنتى ۇيىتقى بولعان ءباسپاسوز تۋرىنا قاتىسۋشىلار جەڭىستىڭ 40 جىلدىعى مەن ك.ماركس كوشەسىنە دەيىنگى ماگيسترالدىق قۇبىرلاردى جاڭالاۋ بويىنشا ورىندالعان جۇمىس بارىسىمەن تانىسىپ, جىلىتۋ ماۋسىمىنا دايارلىق دەڭگەيىنە كوز جەتكىزدى. ءىسساپار بارىسىندا باق وكىلدەرى كومپانيا قىزمەتىنە, سونداي-اق كاسىپورىننىڭ جۇمىس جوسپارىن ۋاقتىلى ءارى ساپالى ورىنداۋعا قاتىستى ساۋالدارىن جولداپ, قۇزىرلى مەكەمەلەر وكىلدەرىنەن ءتيىستى جاۋاپ الدى.
قاراعاندى وبلىسى
