سۋرەت: gov.kz
وقيعا ورنىنا وبلىس اكىمىنىڭ ءبىرىنشى ورىنباسارى ۆاديم باسين مەن شاحتينسك قالاسىنىڭ اكىمى مۇرات قىدىرعانبەكوۆ جانە «پۆاسس» رتسش قىزمەتكەرلەرى جۇمىس ىستەپ جاتىر.
17 تامىز كۇنى ساعات 10:05-تە «ارسەلورميتتال تەمىرتاۋ» اق تاۋ-كەن ءوندىرۋ ديرەكتسياسىنىڭ «قازاقستان» شاحتاسىندا D6 كومىر باۋرايىندا كونۆەيەر لەنتاسى ورتەندى, قازىر اپاتتى جويۋ جۇمىستارى جۇرگىزىلىپ جاتىر.
اپات ورنىنا «پۆاسس» رتسش ءۇش بولىمشەسى (15 قىزمەتكەر جانە 5 تەحنيكا) جانە توتەنشە جاعدايلار دەپارتامەنتىنىڭ 8 قىزمەتكەرى مەن 2 تەحنيكاسى جۇمىلدىرىلدى. شاحتادا بارلىعى 227 ادام بولعان. ادامدار شاحتادان قاپتال دىڭگەگى ارقىلى قۇتقارىلىپ جاتىر. قازىر 131 ادام شىعارىلدى.
