دەپۋتاتتار العاباس جانە قاراعاندى اۋىلدارىنداعى اۋىز سۋمەن جابدىقتاۋ جۇيەسى, مەكتەپ, اۋىلدىق مادەنيەت ءۇيى قۇرىلىسىنىڭ بارىسىمەن, سونداي-اق توعاناس اۋىلىنداعى «KazMeatIndustry» جشس جۇمىسىمەن جانە تەحنيكالىق جاراقتاندىرىلۋىمەن تانىستى.
سەناتور ارمان وتەعۇلوۆ جۇمىستاردى ساپالى جانە ۋاقتىلى اياقتاۋدىڭ ماڭىزدىلىعىن اتاپ وتە كەلىپ, سونداي-اق اۋىل تۇرعىندارىن جۇرگىزىلىپ جاتقان جۇمىستارعا تارتۋ قاجەتتىگىنە توقتالدى.
سەناتورلار كەزدەسۋلەر بارىسىندا اۋىل تۇرعىندارىنىڭ ءومىرىن جاقسارتۋ جونىندە ايتىلعان بارلىق ماسەلە مەن ۇسىنىستى زاڭ شىعارۋ جۇمىسى بارىسىندا ەسكەرەتىنىن اتاپ ءوتتى.
سونىمەن قاتار دەپۋتات ارمان وتەعۇلوۆ «Agrofest batys» فورۋمىنىڭ قاتىسۋشىلارىمەن اگروونەركاسىپتىك كەشەننىڭ الەۋەتىن كۇشەيتۋگە باعىتتالعان ءوڭىردىڭ اۋىل شارۋاشىلىعىن دامىتۋ پەرسپەكتيۆالارىن تالقىلادى.
سەنات دەپۋتاتتارى سەرىك شايداروۆ پەن سوۆەتبەك مەدەباەۆ ۇلىتاۋ اۋدانىنىڭ اقساقالدارىمەن, اۋداندىق قوعامدىق كەڭەستىڭ وكىلدەرىمەن, اۋىل تۇرعىندارىمەن جانە اۋداندىق ءماسليحات دەپۋتاتتارىمەن كەزدەستى.
كەزدەسۋگە قاتىسۋشىلار جانارمايمەن جانە اۋىز سۋمەن قامتاماسىز ەتۋ ماسەلەلەرىنە, سونداي-اق «اۋىل اماناتى» باعدارلاماسىنا نازار اۋداردى.
سونىمەن قاتار سەناتورلار جاڭاارقا اۋدانىندا بولىپ, اۋىلدىق مەكتەپتىڭ جوندەۋ جۇمىستارىمەن جانە ەراليەۆ اۋىلدىق وكرۋگىنىڭ امبۋلاتوريا قىزمەتىمەن تانىستى. كەزدەسۋ بارىسىندا ءوڭىردىڭ باسقا دا وزەكتى ماسەلەلەرى, ونىڭ ىشىندە كومىر, سۋ تاپشىلىعى جانە ينتەرنەتكە قولجەتىمدىلىك سياقتى تۇيتكىلدەر تالقىلاندى.
