ۇلتتىق ۆاليۋتانىڭ نارىقتا بەكي ءتۇسۋى مۇنايعا بەلگىلەنگەن باعانىڭ وسۋىنە جانە بەيرەزيدەنتتەر قاراجاتىنىڭ مەملەكەتتىك باعالى قاعازدارعا اكەلىنۋىنە بايلانىستى بولعان. تامىز ايىنىڭ باسىنا دەيىن ەلىمىزدىڭ مەملەكەتتىك باعالى قاعازدارىنا بەيرەزيدەنتتەردىڭ سالىمدارى جىل باسىنان بەرى 178 ملرد تەڭگەگە ۇلعايىپ, 559 ملرد تەڭگە بولدى. شىلدە ايىندا عانا ەلىمىزدىڭ مەملەكەتتىك بورىشىنا جاڭا قاراجاتتىڭ اكەلىنۋى شامامەن 100 ملرد تەڭگەنى قۇراعان.
«ۇلتتىق قوردان رەسپۋبليكالىق بيۋدجەتكە بەرىلەتىن ترانسفەرتتى قامتاماسىز ەتۋ اياسىندا ساتۋ كولەمى 591 ملن دوللار بولعان. وسى ايدا قارجى مينيسترلىگىنىڭ بولجامىنا سايكەس, ساتۋ كولەمى 750 ملن دوللاردان 800 ملن دوللارعا دەيىنگى ارالىقتا بولادى», دەيدى ۇلتتىق بانك توراعاسىنىڭ ورىنباسارى ءاليا مولدابەكوۆا.
بىرىڭعاي جيناقتاۋشى زەينەتاقى قورى شىلدە ايىندا 240 ملن دوللارعا ۆاليۋتا ساتىپ العان. وسى ايدا دا سول شامادا 200 ملن دوللاردان 250 ملن دوللارعا دەيىن ساتىپ الۋ كۇتىلىپ وتىر.
سونىمەن قاتار قازاقستاننىڭ دەپوزيتتەرگە كەپىلدىك بەرۋ قورى ءوز اكتيۆتەرىنىڭ ۆاليۋتالىق ۇلەسىن بىرتىندەپ 15%-عا دەيىن ارتتىرۋدى كوزدەيتىنىن, ۇلتتىق بانك قوردىڭ اقشاسىن باسقارۋشى رەتىندە بيرجادا جىل سوڭىنا دەيىن شامامەن 140 ملرد تەڭگەگە, ونىڭ ىشىندە تامىز ايىندا 50 ملن دوللاردان 100 ملن دوللارعا دەيىن ۆاليۋتا ساتىپ الۋدى جوسپارلاپ وتىرعانى بار.
كۆازيمەملەكەتتىك كومپانيالاردىڭ ۆاليۋتا ساتۋ كولەمى وتكەن ايدا مىندەتتى ساتۋ ۇلەسى 30%-عا دەيىن تومەندەگەننەن كەيىن 195 ملن دوللاردى قۇراعان.
وتاندىق ساراپشىلار تەڭگەنىڭ شامادان تىس نىعايۋىنا, اسىرەسە رۋبل السىرەگەن سايىن تەڭگەنىڭ بەكي تۇسۋىنە الاڭداپ, ورتالىق بانكتى جاناما تۇردە بولسا دا جاعدايعا ارالاسۋىن سۇراعان ەدى. بۇعان نارىقتا تەڭگە باعامى بويىنشا ءتۇرلى پوزيتسيانى ۇستاناتىن قاتىسۋشىلاردىڭ كوپتىگى, تەڭگەنىڭ نىعايۋى سياقتى ونىڭ السىرەۋى دە ءبىر سالا ءۇشىن تيىمدىرەك بولسا, وزگەلەر ءۇشىن تەجەۋشى ءرول اتقارۋى ىقتيمال. ەگەر ءبىر كاسىپورىن اياسىندا ءوز ءونىمىن ەكسپورتقا شىعارۋ قاجەت بولسا, وندا تەڭگەنىڭ السىرەگەنى تيىمدىرەك, ال وندىرىستىك جابدىق ساتىپ الاتىن كەزدە تەڭگەنىڭ نىعايۋى قولايلى ەكەنىن ءتۇسىندىرىپ ءوتتى ءا. مەيىربەكقىزى.
بۇل رەتتە ۇلتتىق بانك ايىرباستاۋ باعامىن باسقارمايتىنىن ەسكەرسەك, ايىرباستاۋ باعامى ينفلياتسيالىق تارگەتتەۋ تارتىبىنە بايلانىستى وزگەرمەلى ەكەنىن ەسكەرگەن ءجون. بانكتىڭ باستى ماقساتى – باعا تۇراقتىلىعىندا. ال ۆاليۋتا نارىعىنا قاتىستى نەگىزگى مىندەت, اسىرەسە قيىن كەزەڭدەردە دە تۇراقتى ءارى ءتيىمدى جۇمىس ىستەيتىنىن اتاپ ءوتۋ كەرەك. بۇگىنگى تاڭدا باعام ەكونوميكالىق اگەنتتەر تاراپىنان شەتەل ۆاليۋتاسىنا سۇرانىس پەن ۇسىنىس نەگىزىندە قالاي قالىپتاسۋعا ءتيىس بولسا, ءدال سولاي قالىپتاسىپ وتىرعان كورىنەدى. باعامنىڭ ەركىن قالىپتاسۋى ايىرباستاۋ باعامىنىڭ ءبىر باعىتتا نەمەسە وزگە باعىتتا وزگەرۋى – ەكونوميكانىڭ شارۋاشىلىق جۇرگىزۋشى سۋبەكتىلەرى ءۇشىن وبەكتيۆتى ۇدەرىس پەن ەكزوگەندىك فاكتولار.
سونىمەن قاتار ۇلتتىق قورداعى ۆاليۋتالىق اكتيۆتەردىڭ ديناميكاسىنا توقتالعان مامان ماۋسىمدا شامامەن 413 ملن دوللارعا ۇلعايىپ, شىلدە سوڭىندا 60,2 ملرد دوللاردى قۇراعان.
«قارجى نارىعىنا قاتىسۋشىلار ەكونوميكانىڭ ورنىقتىلىعىنا بايلانىستى بيىل رەتسەسسيانىڭ باستالمايتىنىن بولجاپ وتىر. ال جەتەكشى ينۆەستيتسيالىق بانكتەردىڭ ەكونوميستەرى قۇلدىراپ جاتقان ينفلياتسيا اياسىندا قىركۇيەك وتىرىسىندا فەدەرالدى رەزەرۆتىك جۇيەسى مولشەرلەمەنىڭ كوتەرىلۋىن كىدىرتەدى دەپ كۇتەدى. وتكەن ايدا ينۆەستورلاردا وپتيميزم باسىمىراق بولىپ, ول اكتسيالار مەن وبليگاتسيالاردىڭ جانە التىن نارىعىنىڭ وسۋىنە اسەر ەتتى. ءسويتىپ, شىلدەدە ۇلتتىق قوردىڭ ينۆەستيتسيالىق كىرىسى شامامەن 900 ملن دوللاردا قالىپتاستى. ال ماۋسىم ايىندا ۇلتتىق قوردان رەسپۋبليكالىق بيۋدجەتكە ترانسفەرت تۇرىندە 284 ملرد تەڭگە اۋدارىلىپ, وسى ماقساتتا ىشكى ۆاليۋتا نارىعىندا 591 ملن دوللار كولەمىندەگى شەتەل ۆاليۋتاسى بىركەلكى ساتىلدى. بۇل رەتتە شىلدەدە ۇلتتىق قوردىڭ شوتتارىنا ۆاليۋتالىق ءتۇسىم 102 ملن دوللاردى قۇرادى», دەيدى ءا.مولدابەكوۆا.
سونىمەن قاتار ول ءۇشىنشى توقساننىڭ باسىندا جاھاندىق ەكونوميكانىڭ ءوسۋ بارىسى باياۋلاپ, JPMorgan Global PMI يندەكسى ماۋسىمداعى 52,7 يندەكسىنە قارسى شىلدەدە 51,7 بولعان. ءبىرىنشى كەزەكتە باياۋلاۋ ءۇردىسى ءوندىرىس پەن قىزمەت كورسەتۋ سەكتورىنداعى تومەن كورسەتكىشپەن بايلانىستىرىلادى.
Fitch اگەنتتىگىنىڭ اقش-تىڭ تاۋەلسىز رەيتينگىنىڭ تومەندەۋى – نارىق قاتىسۋشىلارىنىڭ نازارىندا. بىراق تاياۋ ارالىقتا ايتارلىقتاي اسەر ەتە قويماۋى ىقتيمال. وتكەن ايدا حالىقارالىق ۆاليۋتا قورى جالپى ىشكى ءونىمنىڭ جاھاندىق ءوسۋ بولجامىن 2023 جىلى 3,5%-دان 2024 جىلى 3%-عا دەيىن تومەندەۋى الەمدىك ەكونوميكانىڭ كەلەشەگىنە ءوز ەسەبىن جاڭارتتى. جالپى, الەمدىك ينفلياتسيا بويىنشا بولجام 2023 جىلى 6,8%-عا دەيىن جانە 2024 جىلى 5,2%-عا دەيىن قايتا قارالعان.
حالىقارالىق ەنەرگەتيكا اگەنتتىگى مۇنايعا الەمدىك سۇرانىستىڭ بولجامىن كۇنىنە 2,2 ملن باررەلگە ارتىپ, مۇنداعى ءوسىمنىڭ 70%-ى قىتاي تاراپىنان سۇرانىسقا تيەسىلى ەكەنىن ايتادى. سونىمەن بىرگە ساۋد ارابياسى مۇناي جەتكىزىلىمىن تومەندەتەدى دەپ كۇتىلىپ وتىر, بىراق بۇل ناتيجە وپەك+تەن تىس ەلدەردەن تاسىلىمداردىڭ ۇلعايۋىمەن تەڭەستىرىلگەن. Goldman Sachs Brent ماركالى مۇناي باعاسىنا بولجام 2023 جىلعى جەلتوقسانعا قاراي باررەلىنە 85 دوللار جانە 2024 جىلعى ساۋىردە باررەلىنە 87 دوللار دەڭگەيىندە قالدى.
اقش ەنەرگەتيكا مينيسترلىگى 2023 جىلدىڭ شىلدەسىنەن باستاپ 2024 جىلدىڭ سوڭىنا دەيىن قورلار تاۋلىگىنە ورتاشا ەسەپپەن 0,4 ملن باررەلگە قىسقارادى دەپ بولجايدى. 2023 جىلى ۆەدومستۆو ءۇندىستان مەن قىتايدا مۇناي مەن سۇيىق وتىندى تۇتىنۋ كولەمى تاۋلىگىنە تيىسىنشە 0,8 جانە 0,3 ملن باررەلگە وسەدى دەپ كۇتىلەدى.
