«مۇنداي وبەكتىلەردىڭ باسىم بولىگى تۇركىستان وبلىسى مەن استانا قالاسىندا ورنالاسقان. وسى باعىتتاعى جۇمىستاردى كۇشەيتىپ, جاڭا مەكتەپتەردىڭ ىسكە قوسىلۋىن قامتاماسىز ەتۋ قاجەت», دەدى ءاليحان سمايىلوۆ جيىن بارىسىندا.
ۇكىمەت باسشىسىنىڭ ايتۋىنشا, 180 مەكتەپتە كۇردەلى جوندەۋ جۇمىستارى اياقتالۋعا جاقىن, بىراق مۇندا دا جۇمىستار اياقتالماي قالۋ قاۋپى بار. اقمولا وبلىسىنىڭ وزىندە عانا شامامەن 7 مەكتەپ جاڭا وقۋ جىلىنا دەيىن جوندەۋ جۇمىستارىن سوڭىنا دەيىن جەتكىزۋگە ۇلگەرمەي قالۋى مۇمكىن, پاۆلودار جانە سولتۇستىك قازاقستان وبلىستارىندا وسىنداي 2 مەكتەپ بار.
«اتالعان وڭىرلەر شۇعىل شارالار قابىلداۋى قاجەت. نورماعا سايكەس, بارلىق قۇرىلىس جۇمىسى جاڭا وقۋ جىلىنىڭ باستالۋىنان 2 اپتا بۇرىن اياقتالۋى كەرەك. وقۋشىلار تازا ءارى بوياۋ ءيىسى جوق سىنىپتارعا كەلۋى ءتيىس», دەدى پرەمەر-مينيستر.
سونىمەن قاتار ۇكىمەت باسشىسىنىڭ ايتۋىنشا, 54 مەكتەپ عيماراتىنىڭ جىلىتۋ قازاندىقتارى ءالى كۇنگە دەيىن شىعارىلماعان.
«948 مەكتەپتە جاڭعىرتۋ جۇمىستارى جۇرگىزىلدى دەپ سانالادى, الايدا تەك 290 مەكتەپ زاماناۋي روبوتوتەحنيكا, حيميا, بيولوگيا جانە فيزيكا كابينەتتەرىمەن جابدىقتالعان. بىراق بۇل جەتكىلىكسىز. وڭىرلەر اكىمدىكتەرى وقۋ-اعارتۋ مينيسترلىگىمەن بىرلەسىپ, بارلىق مەكتەپتە زاماناۋي ءپان كابينەتتەرىن اشۋ ءۇشىن كەشەندى جاڭعىرتۋ جۇمىستارىن جۇرگىزۋى كەرەك. جۇمىستى ەسەپ بەرۋ ءۇشىن عانا جۇرگىزۋگە بولمايدى», دەدى ءاليحان سمايىلوۆ.
سونداي-اق پرەمەر-ءمينيستردىڭ ايتۋىنشا, ءبىلىم بەرۋ وبەكتىلەرىنىڭ قاۋىپسىزدىگىنە دە نەمقۇرايدى قاراۋعا جول بەرمەۋ كەرەك.
ء«بىلىم بەرۋ وبەكتىلەرىنىڭ بارلىعى بىردەي قاۋىپسىزدىك تالاپتارىنا ساي كەلمەيدى. مەكتەپتەردىڭ 30%-دان استامى ءالى كۇنگە دەيىن پوليتسيانىڭ جەدەل باسقارۋ ورتالىقتارىنا قوسىلماعان. وسى رەتتە جۇمىستى بەلسەندى جۇرگىزۋ قاجەت», دەدى ۇكىمەت باسشىسى.
ايتا كەتسەك, 1 قىركۇيەكتەن باستاپ بارلىق باستاۋىش سىنىپ وقۋشىسى, ياعني شامامەن 1,5 ملن بالا تەگىن تاماقپەن قامتىلادى.
«بيىل از قامتىلعان وتباسىلار مەكتەپ كيىمى مەن كەڭسە تاۋارلارىن ساتىپ الۋ ءۇشىن ءبىر بالاعا كەمىندە 40 مىڭ تەڭگەدەن الادى. بارلىعى 500 مىڭعا جۋىق بالاعا وسىنداي كومەك كورسەتىلەدى. بالالاردى مەكتەپكە تاسۋ ءۇشىن بيىل 500-دەن اسا جاڭا اۆتوبۋس ساتىپ الىندى», دەدى ءاليحان سمايىلوۆ.
وعان قوسا ۇكىمەت باسشىسى كومەككە مۇقتاج بالالاردى 100% مەملەكەتتىك قولداۋ شارالارىمەن قامتاماسىز ەتۋدى تاپسىردى.
«شالعاي اۋىلداردا مەكتەپ جارمەڭكەلەرى مەن كوشپەلى اۆتودۇكەندەردى ۇيىمداستىرۋ قاجەت. اكىمدىكتەر, وقۋ-اعارتۋ, ساۋدا جانە ينتەگراتسيا, يندۋستريا جانە ينفراقۇرىلىمدىق دامۋ مينيسترلىكتەرى مەن «اتامەكەن» پالاتاسى وقۋ قۇرالدارى مەن مەكتەپ فورماسىنىڭ قولجەتىمدى باعاسىن قامتاماسىز ەتۋ ماسەلەلەرىن پىسىقتاۋى ءتيىس», دەدى پرەمەر-مينيستر.
ءسوز سوڭىندا ءاليحان سمايىلوۆ بەينەكامەرالاردى جاڭارتۋ, بەينەباقىلاۋ جۇيەلەرىن جەدەل باسقارۋ ورتالىقتارىنا قوسۋ, ءبىلىم بەرۋ ۇيىمدارىن ليتسەنزيالانعان كۇزەتپەن قامتاماسىز ەتۋ بويىنشا جۇمىستاردى اياقتاۋ قاجەتتىگىن ايتتى.
