سايلاۋشىلار اماناتى دەپۋتاتتارعا قانداي مىندەت جۇكتەيدى؟

دەپۋتاتتار الدىندا كوتەرىل­گەن تۇيتكىلدى ماسەلەلەردىڭ قاتا­رىندا ەلدىڭ الداعى جىلىتۋ ماۋسىمىنا دايىندىعى, حالىقتى سۋمەن قامتاماسىز ەتۋ, ءبىلىم بەرۋ, دەنساۋلىق ساقتاۋ, ەكولوگيا, جولدى جوندەۋ سىندى كۇن تارتىبىنەن تۇسپەي كۇيىپ تۇرعان پروبلەمالار بار. مۇنداي كەزدەسۋلەر, ارينە, جىلدا قايتالانىپ جاتاتىنى بەلگىلى. دەگەنمەن دەپۋتاتتار­دىڭ ەل ىشىنە بارۋىنىڭ ەڭ باس­تى ماقساتى حالىقتىڭ مۇڭ-مۇقتاجىن كوزبەن كورىپ, الدا باستالاتىن كەزەكتى سەسسيادا سول ماسەلەلەردى شەشۋگە اتسالىسۋ ەكەنىن ەستەن شىعارماعان ءجون. وسىعان وراي بىزگە ەڭ ماڭىزدىسى – دەپۋتاتتاردىڭ وڭىرلەردەگى كەزدەسۋلەرى بارىسىندا جۇرتشىلىققا بەرگەن ۋادەلەرى جانە ونى الداعى ۋاقىتتا قالاي ورىندايتىنى. كەيبىر ادامداردىڭ اۋزىنان «ولار ۋادەنى ءۇيىپ-توگىپ بەرەدى دە كەتەدى, بىراق ارتىنان ەش­تەڭەنى شەشپەيدى» دەگەن اڭگى­مەنى قۇلاعىمىز ءجيى شالىپ قا­لاتىنى راس. بىراق بۇل – كوبى­نە «ەسكى قازاقستاندا» ايتى­لىپ جۇرگەن اڭگىمە. ال بۇگىنگى كوپتەپ-كولەمدەپ قۇرىپ جاتقان ادىلەتتى قازاقستاندا قۇرعاق ۋادەدەن زارەزاپ بولعان قاراپايىم حالىقتىڭ بەرىلگەن ۋادەنىڭ ءىس جۇزىندە ورىندالۋىن كورەتىن كۇنى بار ما؟

جىلىتۋ ماۋسىمىنا دايىندىق قالاي؟

وتكەن قىستا ەكىباستۇز قالاسىنىڭ تۋرا ما­عىناداعى «مۇز ءداۋىرىن» باستان كەش­كەنىن كورگەن ەل كۇز ماۋسىمى جا­قىنداعان سايىن ەلدىڭ جىلىتۋ ماۋسىمىنا دايىندىق جايىنا الاڭداۋلى. جۋىردا پاۆلودار وبلىسىنا بارعان پرەزيدەنت قالاعا ارنايى ات باسىن بۇرىپ, جەر­گىلىكتى جۇرتشىلىق­پەن كەز­دەستى. مەملەكەت باسشىسى قيىن-قىستاۋ جاعدايدا شى­دامدىلىق تانىتقانى جانە اپات سالدارىن جويۋ كەزىندە ازاماتتىق بەل­سەندىلىك كورسەتكەنى ءۇشىن ەكى­باس­تۇزدىقتارعا العىس ايتۋدى دا ۇمىتپادى. وسى ورايدا سەنات پەن ءماجىلىس دەپۋتات­تارى دا وڭىرلەردىڭ قىسقى ماۋ­سىمعا دايىندىعىن نازاردان تىس قالدىرماي, بىرقاتار ەلدى مە­كەننىڭ جىلۋ قازاندىق­تا­رىن تەك­سەرىپ قايتتى. اسىرەسە قى­سى قى­تىمىر كەلەتىن سولتۇس­تىك اي­ماق­تارعا كوڭىل بولىنگەنى كورىنىپ تۇر.

سونىڭ ءبىرى – ەكىباستۇز قالاسىنا ات با­سىن بۇرعان سەناتورلار ەرنۇر ايت­كەنوۆ پەن التىنبەك نۋح ۇلى قا­لا­داعى بارلىق 10 قازاندىقتى جون­دەۋ قاراستىرىلعانىن, ونىڭ ىشىندە 8 قازاندىقتا كۇردەلى جوندەۋ جۇ­مىستارى جاسالاتىنىن ءبىلدى. قىسقا دا­­يىن­دىقتىڭ جاي-جاپسارىمەن تا­نىس­­­قان پارلامەنتشىلەر ەكىباستۇز حالقى قىستا جاۋراماس ءۇشىن «بۇل جۇ­مىس­تاردىڭ ۋاقىتىلى اياق­تا­ل­ۋىن ءوز با­قىلاۋلارىنا الامىز», دەپ ۋادە بە­رىپ كەتتى.

بۇدان بولەك, سەناتور اينۇر ارعىن­بەكوۆا سەمەي قالاسىنىڭ, ال ءما­جى­لىس دەپۋتاتتارى باۋىرجان سما­عۇلوۆ پەن ارمان قالىقوۆ بالقاش قالاسىنىڭ جىلىتۋ ماۋسىمىنا دايىندىعىن تەكسەردى. «قالانىڭ بارلىق جىلۋ جەلىسىن نورماتيۆتىك كۇيگە كەلتىرۋ – وبلىسىمىزدىڭ باسىم مىندەتتەرىنىڭ ءبىرى جانە ول بىرنەشە جىلعا ەسەپتەلگەن اۋقىمدى جۇمىس. ءبىز وڭىردەن سايلانعان دەپۋتاتتار رەتىندە بۇل ماسەلەنى دە باقىلاۋدا ۇستايتىن بولامىز», دەدى سەناتور. ماجىلىسمەندەر بولسا بالقاش قالاسىن جىلىتۋ جۇمىستارىندا تۋىنداعان پروبلەمالاردى نازارعا الۋعا ۋادە بەرىپ, سىندارلى جۇمىس جۇرگىزۋگە دايىن ەكەندەرىن جەتكىزدى.

سۋعا قولى جەتپەي تۇر...

كەيىنگى جىلدارى استانادان باس­تاپ شالعاي اۋىلدارعا دەيىن جۇرت­شى­لىقتىڭ نارازىلىعىن تۋدىر­عان پروبلەمانىڭ ءبىرى – اۋىز سۋ تاپشىلىعى. شەتكەرى جاتقان ەلدى مە­كەن­دەردە ول بۇرىننان بار ماسەلە. بىراق بيىل اتالعان پروبلەما استانادا تۋىندايدى دەپ كىم ويلاعان؟ بالكىم سودان بولار, بيىل سۋ تاپشىلىعىن جويۋ تۋرالى پرەزيدەنتتەن باستاپ بارلىق دەڭگەيدە ءجيى ايتىلا باستادى. وڭىرلەرگە ساپارلاعان ءماجىلىس دەپۋتاتتارى دا بۇل ماسەلەنى نازاردان تىس قالدىرماي, مۇمكىندىگىنشە شەشۋگە اتسالىساتىندارىن ايتىپ, ۋادەلەرىن بەرىپ جاتىر.

ءماجىلىس سپيكەرى ەرلان قوشانوۆ سۋ ماسەلەسىنە شا­عىم­­­دانعان تسەلينوگراد وبلى­سى­نىڭ شارۋالارىمەن كەزدەسۋدەن كەيىن نۇرا توپتىق سۋ قۇبى­رىن قايتا جوندەۋ جۇمىستارىن با­­­­­قى­­لاۋعا الۋدى تاپسىرعان بولاتىن. سونىڭ ءىزىن الا «اۋىل» پار­­­تياسى فراكتسياسىنىڭ مۇشەسى, اگ­رار­­­لىق ماسەلەلەر كوميتەتىنىڭ تورا­عاسى سەرىك ەگىزباەۆ اقمولا وبلى­سىنىڭ ەگىندىكول اۋدانىنداعى نۇرا توپتىق سۋ قۇبىرىنىڭ قايتا جون­دەۋ جۇمىستارىمەن تانىستى. ال ءماجىلىس توراعاسىنىڭ ورىنباسارى البەرت راۋ قوستاناي وبلىسىنداعى بەيىمبەت مايلين اۋدانىنىڭ اۋىلدارىنا بارىپ, تازا اۋىز سۋمەن قامتۋ جۇمىستارىن كوزبەن كوردى.

جامبىل وبلىسىندا ءماجىلىس دەپۋتاتى مۇقاش ەسكەندىروۆ جۋالى اۋدانىنىڭ قوشقاراتا اۋىلدىق وكرۋگىندە بولىپ, 30 جىلدان استام سۋ كورمەگەن قىزتوعان اۋىلىندا اۋىز سۋ جۇيەسىن تارتۋ جۇمىستارىن نازارعا الدى. ماجىلىسمەن حالىقتىڭ ءال-اۋقات دەڭگەيىنە تىكەلەي اسەر ەتەتىن وزەكتى ماسەلەگە باسا نازار اۋدارىپ, قۇرىلىستىڭ ساپاسى ءوز نازارىن­دا ەكەنىن ايتتى. سونىمەن قاتار ماجى­لىس­تەگى «Amanat» فراكتسياسىنىڭ مۇ­شەلەرى اينا ءمىسىرالىموۆا مەن ناتاليا دەمەنتەۆا اقمولا وڭىرىندەگى 900 تۇرعىنى بار دومبىرالى اۋىلىندا 16 شاقىرىم سۋ قۇبىرىن جوندەۋ جۇمىستارىمەن تانىستى.

ايماقتارداعى اۋىز سۋ ماسەلەسىن كوزدەرىنەن تاسا قىلمايتىنىن ايتقان دەپۋتاتتار جەرگىلىكتى جۇرت ال­دىندا قوردالانعان پروبلەمانى شە­شۋگە اتسالىسامىز دەپ ۋادە بەرىپ, اۋىلداعى اعايىننىڭ سونۋگە اينالعان ۇمىتتەرىن قايتا ۇرلەپ جاققانداي. ەندى ايتىلعان ءسوز ءىس جۇزىندە ورىندالسا كانە؟

اۋىلدىڭ الۋان احۋالى

جالپى, اۋىلدىق جەردە جۇرتتى الاڭداتىپ وتىرعان ماسەلە تەك اۋىز سۋ عانا ەمەس. ودان دا بولەك شەشى­مىن كۇتكەن شارۋا جەتەرلىك. ەلدى مە­كەن­دەردەگى الەۋمەتتىك نىساندار قۇ­رىلىسى, حالىقتى جۇمىسپەن قامتۋ, اۋىل شارۋاشىلىعى, دەنساۋلىق ساقتاۋ, جول سالۋ ماسەلەلەرى, ت.ب. جازعى ءىسساپارلارىندا سەناتورلار مەن ماجىلىسمەندەردىڭ اۋىلعا بەت بۇرۋ­لارىنىڭ باستى سەبەبى دە سول.

ماسەلەن, تۇركىستان وبلىسىنىڭ ورداباسى اۋدانىنا بارعان سەنات دەپۋتاتتارى ءالي بەكتاەۆ, مۇرات قادىربەك جانە اليشەر ساتۆالديەۆ بىرقاتار ەلدى مەكەندەگى ماڭىزدى ستراتەگيالىق نىساندار مەن فەرمەرلىك شارۋاشىلىقتاردىڭ جاي-كۇيىن كوردى. ال الماتى وبلىسىندا سەناتور سۇلتان دۇيسەمبينوۆ ەڭبەكشىقازاق اۋدانى تۇرعىندارىنىڭ نازىن تىڭدادى. ول اۋىل شارۋاشىلىعى ءونىمىن وندىرۋ­شىلەردىڭ جۇمىسىمەن تانىسىپ, شار­ۋا­­لاردىڭ كۇردەلى ماسەلەلەرىن شە­شۋدە زاڭنامالىق كومەك كورسەتۋگە دايىن ەكەنىن اتاپ ءوتتى.

شىعىس قازاقستان وبلىسىنىڭ شەمونايحا اۋدانىندا سەناتورلار ولگا بۋلاۆكينا مەن شاكارىم بۇقتۇعۇتوۆ شارۋا قوجالىقتارىنىڭ وكىلدەرىمەن كەزدەسىپ, بارلىق پروب­لەمالىق ماسەلەنى نازاردا ۇستاي­تىن­دارىن جەتكىزدى. ال قىزىلوردا وبلىسىنىڭ سىرداريا اۋدانىنا بارعان سەناتور رۋسلان رۇستەموۆ, پارلامەنت ءماجىلىسىنىڭ دەپۋتاتتارى مارحابات جايىمبەتوۆ پەن مۇرات ەرگەشباەۆ وڭىردەگى جاستاردىڭ جۇمىسسىزدىق دەڭگەيىن تومەندەتۋ ماقساتىندا 7 اۋىلدىق وكرۋگتە قايتا قۇرىلعان جاستار بريگادالارىن كوردى. بۇگىندە بۇل بريگادالار قاتارىندا جۇمىسسىز, NEET ساناتىنداعى, پروباتسيا ەسەبىندە تۇراتىن 200-گە جۋىق جاس باقشا داقىلدارىن ەگىپ, ەڭبەك ەتىپ جاتىر. جاستاردىڭ مەملەكەت تاراپىنان تىڭايتقىش بەرۋ تۋرالى وتىنىشىنە دەپۋتاتتار قولداۋ بىلدىرەتىنىن ايتىپ, ۋادەسىن بەردى.

سونىمەن قاتار سەناتور ساعىندىق لۇقپانوۆ اتىراۋ وبلىسىنداعى كاسىپكەرلەرمەن, كوكتوعاي, ەسبول, جارسۋات, اق جايىق, ەڭبەكشىل جانە ماحامبەت ەلدى مەكەندەرىنىڭ تۇرعىندارىمەن كەزدەستى. ول اۋىلدار­دىڭ پروبلەمالارى ۇنەمى ونىڭ نازارىندا ەكەنىن جانە ولاردى وڭ شەشۋ جولىنداعى جۇمىستى جالعاستىرا بەرەتىنىن اتاپ ءوتتى. ال قىزىلوردا وبلىسىنىڭ جالاعاش اۋدانىنا بارعان سەنات دەپۋتاتى رۋسلان رۇستەموۆتىڭ الدىندا جەرگىلىكتى تۇر­عىندار جالاعاش, قارماقشى, قازالى اۋداندارىنداعى اققىر, شوبانقازعان, كاۋكەي اۋىل­دارىنا شەكارا ماڭى ايماعىنىڭ مارتەبەسىن بەكىتۋ, جۇرگەنوۆ اۋىلىندا مادەنيەت ءۇيىن سالۋ, «ديپ­لوممەن – اۋىلعا» باعدارلاماسىن جەتىلدىرۋ ماسەلەسىن كوتەردى. «بۇل پروبلەمالاردى ءبىز باقىلاۋدا ۇستاي­مىز جانە قاجەت بولعان جاعدايدا زاڭنامالىق وزگەرىستەر ەنگىزەمىز», دەپ ۋادە بەردى دەپۋتات.

بۇدان بولەك, اباي وبلىسىنداعى اياگوز قالاسىندا ايماق تۇر­عىن­دارىمەن كەزدەسكەن سەناتور امانگەلدى ءتولا­مىسوۆ: «سەناتتىڭ قازىرگى كەزدەگى نە­گىزگى مىندەتتەرىنىڭ ءبىرى – وڭىرلەردىڭ مۇددەسىن ءبىلدىرۋ. وسىعان بايلانىستى جەرگىلىكتى ماڭىزى بار پروبلەمالىق ماسەلەلەرمەن تانىسۋ اسا ماڭىزدى. سىزدەر كوتەرگەن بارلىق ماسەلەنى ۇدا­يى باقىلاۋدا ۇستايتىن بولامىز», دەسە, الماتى وبلىسىنىڭ قاراساي اۋدانىنداعى ۇلەسكە بەرىلگەن جەرىنەن ايىرىلعان «پايشىلار» ادىلەت ىزدەپ, ءماجىلىس دەپۋتاتى ەرمۇرات باپيدان اراشاعا ءتۇسۋدى سۇرادى. اۋدانعا قا­راستى بۇرىنعى «كامەنكا» اسىل تۇ­قىمدى مال زاۋىتى تاراعان تۇستا باس­شىلىق جۇمىسشىلارعا 653 گەكتار جەر بەرىلەتىنىن ايتىپ, ۋادە بەرگەن. دەگەنمەن قاراساي اۋدانىنداعى مۇ­­را­عات بەلگىسىز ءبىر سەبەپتەرمەن ورتە­نىپ كەتىپ, «پايشىلاردىڭ» قۇ­جاتتارى جويىلىپ, جەر الۋ مۇمكىن­دى­گىنەن ايىرىلعان. ەرمۇرات باپي تۇرعىنداردىڭ پىكىرىن تىڭداپ, الداعى ۋاقىتتا بۇل ماسەلەنى ءجىتى قاداعالاپ, كىنالىلەردىڭ جاۋاپقا تارتىلاتىنىن جەتكىزدى. «سول كەزدەگى باس­شىلىقتاعى ادامدار «پاي­شى­لار­دىڭ» جەرىن تارتىپ الىپ, ونى جان-جاققا ءبولىپ, ءبىرازىن ساتىپ جىبەرگەن. ادامدار ساتىپ العان جەرلەرىنە ءۇي سالىپ تاستاعان. ءسويتىپ, ادۆوكات ءلاززات جاپاشەۆا ۇيلەردى زاڭسىز سالدى دەپ بەيبىت تۇرعىنداردىڭ ءۇيىن بۇزعان. بۇگىندە 500 ادام 8 سوتىق جەردى بەرۋدى تالاپ ەتىپ وتىر. وسى ماسەلەنى كۇزگە دەيىن شەشىپ بەرەمىن, نە مانداتتى بەرەمىن», دەدى ەرمۇرات باپي. دەپۋتاتتاردىڭ ءبارى كوتەرىلگەن پروبلەمالاردى شەشۋدە سوزبۇيداعا سالماي, ءدال وسى كىسىدەي ناقتى جاۋابىن بەرسە كانە؟

اۋىلداعى كوكەيكەستى ماسە­لە­لەردىڭ تاعى ءبىرى – ورتكە قارسى قىز­مەتتى جەتىلدىرۋ. بيىلعى اباي وبلى­سىن­داعى تراگەديادان كەيىن جان-جاقتىڭ ءبارى قىبىرلاپ ارەكەت ەتىپ, ءورت سوندىرەتىن تەحنيكالارىن تەكسەرۋمەن الەك. شىعىس قازاقستان وبلىسىنا ساپارلاپ بارعان ءماجىلىس دەپۋتاتى ەرلان سايروۆ «زايسان ورمان شارۋاشىلىعى» ور­مان­­شىلارمەن كەزدەسۋىندە مەكە­مەنىڭ ءورت سوندىرۋگە ارنالعان تەحني­كالارىنىڭ توزىعى جەتكەندىگىن كورىپ قايتتى. ء«بىز ءالى كۇنگە دەيىن ەسكى-قۇسقى قۇرال-جاب­دىق­تارمەن جۇمىس ىستەيمىز. سىز­دەر­دەن وسى ماسەلەنىڭ شەشىلۋىنە ىقپال جاساۋلارىڭىزدى سۇرايمىز», دەگەن ورمان ءورت ءسوندىرۋ ستانساسىنىڭ باسشىسى امانبەك جاساروۆتىڭ وتى­نىشىنە دەپۋتات: «بۇل ماسەلە بويىن­شا ءماجىلىس دەپۋتاتتارى ءتيىستى مينيستر­لىكتىڭ جۇمىسىن نازاردا ۇستايتىن بولادى», دەپ جاۋاپ قاتتى.

شەكارالىق اۋداندار – شەتىن ماسەلە

بيىل تۇركىستاندا وتكەن ۇلتتىق قۇرىلتايدا مەملەكەت باسشىسىنىڭ ستراتەگيالىق ماڭىزعا يە شەكارالىق اۋدانداردى دامىتۋ تۋرالى ايتقانى بەلگىلى. وسىعان وراي ءماجىلىس دەپۋتاتى نۇرتاي سابيليانوۆ حالىق­پەن كەزدەسۋىن اباي وبلىسىنىڭ ماقانشى اۋىلىنان باستادى. قاسىم-جومارت توقاەۆ تا وسى ماقانشى اۋدانىن قالپىنا كەلتىرۋ تۋرالى شەشىم قا­بىل­داعان بولاتىن. نۇرتاي سا­بيليا­نوۆ مال ءوسىرۋ, ەگىن ەگۋ, ينفرا­قۇ­رى­لىم­دى دامىتۋ, كوگىلدىر وتىنمەن قامتاماسىز ەتۋ ماسەلەلەرىنە قاتىستى وزەكتى ماسەلەلەردى تالقىلاپ, اتالعان ىستەر دەپۋتاتتار نازارىنان تىس قال­ماي­تىنىن جەتكىزدى.

ال ءماجىلىستىڭ حالىقارالىق ىستەر, قورعانىس جانە قاۋىپسىزدىك كومي­تەتىنىڭ مۇشەلەرى ماكسيم روجين, ولجاس قۇسپەكوۆ, بولات كەرىمبەك جانە سامات نۇرتازا حالىقپەن جاي كەزدەسۋدەن گورى شەكاراشىنىڭ قىز­مەتىن اتقارىپ كورۋدى ماڭىزدى دەپ تاۋىپ, قىتاي جانە قىرعىزستانمەن اراداعى مەملەكەتتىك شەكارادا كۋرسانتتارمەن بىرگە 10 كۇن قىزمەت ەتىپ قايتتى. ولار شەكارا قىزمەتىندەگى ارتىقشىلىقتار مەن كەمشىلىكتەردى بايقاعاندارىن ايتادى. «ەلورداعا ءار ساربازدىڭ, ءار وفيتسەردىڭ ماسەلەسىن جەتكىزەمىز. كۇردەلى پروبلەمالاردىڭ ءبىرى – وفيتسەرلەر جالاقىسىنىڭ تومەندىگى, ورتا ەسەپپەن 170-220 مىڭ تەڭگە. بۇگىنگى نارىقپەن بۇل وتە از. تۇرعىن ءۇي, الەۋمەتتىك قام­سىزداندىرۋ ماسەلەلەرى بار. ءاربىر زاستاۆادا ءتيىستى تەحنيكالىق قۇرالداردىڭ بولۋى ماڭىزدى. درون­دار, زاماناۋي قارۋ-جاراق, كولىك بولۋى كەرەك», دەدى سامات نۇرتازا. دەپۋ­تاتتار ۇلت­تىق قاۋىپسىزدىك جۇ­يەسىن جەتىل­دىرۋگە باعىتتالعان جاڭا زاڭنا­مالىق باستامالار مەن شارالاردى, جاس­تاردى وتانسۇيگىشتىككە تاربيە­لەۋ­دەگى تاسىلدەردى, سونداي-اق اسكەردە قىزمەت ەتۋ جاعدايلارىن جاقسارتۋ قاجەت­تىلىگىن زەردەلەۋدى كوزدەپ وتىر­عاندارىن ايتىپ, ءسوز بەرىپ قايتتى.

جول جانە ينتەرنەت

جول – شىنايى ومىردە ادام مەن ادامدى, قالا مەن قالانى بايلانىس­تىرسا, ينتەرنەت – ۆيرتۋالدى الەمدەگى بايلانىس الەمى. بۇگىندە ەلىمىزدە وسى ەكەۋىندە دە شەشىمىن كۇتكەن تۇيت­كىلدەر بار. باتىس قازاقستان وب­لى­سىنىڭ الىس اۋداندارىنا اپاراتىن جولداردىڭ ناشارلىعى كوپتەن ايتىلىپ كەلەدى. ايماققا ساپارمەن بارعان ءماجىلىس دەپۋتاتتارى سنە­جان­نا يماشەۆا مەن نارتاي سار­سەنعاليەۆ وسى ماسەلەمەن تاعى دا تانىستى. ء«بىزدىڭ نەگىزگى ماقساتىمىز – حالىقپەن بىرگە بولىپ, الاڭداتقان ماسەلەلەردى قۇزىرلى مەكەمەلەرگە جەتكىزىپ, زاڭنامالىق دەڭگەيدە دە رەتتەۋگە ىقپال ەتۋ», دەدى ولار.

ال ءماجىلىس دەپۋتاتى قاراقات ابدەن اقمولا جانە قاراعاندى وب­لىس­تارىنداعى اۋىلدارعا بارعاندا جول جانە ينتەرنەت ماسەلەسىنىڭ اقساپ تۇرعانىن بايقاپتى. «جاڭا تەحنولوگيا, تسيفرلاندىرۋ, قولجەتىمدى ەلەكتروندى قىزمەت كورسەتۋ – اۋىل تۇرعىندارى ءۇشىن تاڭسىق ۇعىمدار. الداعى ۋاقىتتا بۇل ماسەلەنى ءتيىستى ورگاندارمەن بىرلەسىپ, شامام جەتكەنشە شەشىپ بەرۋگە ۋادە بەردىم», دەدى ق.ابدەن.

بۇدان بولەك, دەپۋتات باقتىقوجا ىزمۇحامبەتوۆ اتىراۋ وبلىسىندا ءىرى مۇناي-گاز كاسىپورىندارى باس­شى­لارىمەن وڭىردەگى وزەكتى ماسە­لەلەردى تالقىلاسا, ءماجىلىس دە­پۋتاتتارى امانتاي جارقىنبەك پەن نۇرجان اشىمبەتوۆ پاۆلودار وبلىسىندا اۋىلدارداعى دەنساۋلىق ساقتاۋ مەكەمەلەرىنىڭ جاي-كۇيىمەن تانىس­تى. ءماجىلىس دەپۋتاتى ەرلان ابديەۆ تۇركىستان وبلىسى قازىعۇرت اۋدا­نىنىڭ امانكەلدى ەلدى مەكەنىندەگى مەكتەپ قۇرىلىسىن باقىلاپ: «بۇل نىسان پارتيا تاراپىنان قازىر تولىق باقىلاۋدا. ءبىزدىڭ قازىر وسىندا كەلۋ ماقساتىمىز – جۇ­مىس­تاردى ءوز كوزى­مىزبەن كورۋ», دەپ قۇرىلىس جۇمىس­تارى اياقتالعانشا ونى كوزدەن تاسا قىلمايتىنىن جەت­كىزدى.

ءبىز بۇل ماقالامىزدا سەنات جانە ءماجىلىس دەپۋتاتتارىنىڭ بارلىق كەزدەسۋلەرىن قامتي المادىق. دەگەن­مەن نەگىزگىلەرىن ءبىر شولۋ ارقىلى جۇرتشىلىق الدىندا كوپ ىزگى نيەتتى ۋادە بەرىلگەنىن بايقاپ وتىرمىز. ونىڭ ءبارى ورىندالاتىن بولسا, ەلدىڭ الەۋمەتتىك جاعدايى ەداۋىر جاقسارىپ, حالىقتىڭ بيلىككە دەگەن سەنىمى ارتارى ءسوزسىز.