قىزىلشا جۇقتىرعانداردىڭ دەنى – 14 جاسقا دەيىنگى بالالار. پايىزعا شاقساق, 87,6%-ى – بالالار. ونىڭ ىشىندە 7 اۋرۋ جۇقتىرۋ جاعدايى الىنىپ تاستالدى, 13 جاعداي ءəلى زەرتتەلىپ جاتىر. جوعارىدا اتاپ وتكەنىمىزدەي, ناۋقاستاردىڭ 88,6%-ى – قىزىلشاعا قارسى ەكپە سالدىرماعاندار.
بۇل ينفەكتسيانىڭ كوبى شەتەلدەن كەلگەن, سونىمەن بىرگە باسقا وڭىرلەرگە ساپارلاپ بارعان بالالاردىڭ اراسىندا انىقتالىپ وتىر.
– ينفەكتسيا شەتەلدەردەن, سونداي-اق استانا, الماتى, شىمكەنت, پاۆلودار سياقتى قالالارعا بارىپ كەلگەن بالالاردان انىقتالىپ وتىر. 24,7%-ى وتباسىنداعى بايلانىس ارقىلى جۇققان. جاعدايدىڭ بارلىعى انىقتالىپ, بايلانىستا بولعان 2 701 ادام مەديتسينالىق باقىلاۋعا الىندى. ەپيدەميولوگيالىق كورسەتكىشتەر بويىنشا بۇرىن ەكپە سالدىرماعان 120 ادامعا ەكپە سالىندى, – دەيدى گ.جاقتايقىزى.
قىزىلشا – وزدەرىڭىز بىلەتىندەي جىلدام جۇعاتىن اۋرۋ. جوعارى تەمپەراتۋرا, ينتوكسيكاتسيا, جوتەل, مۇرىننان سۋ اعۋ, فوتوفوبيا, كونيۋنكتيۆيت, تەرىدە جəنە اۋىز قۋىسىنىڭ شىرىشتى قاباتتارىندا ۇساق نۇكتەلى بورتپە تۇرىندە كورىنىس بەرەدى.
– قىزىلشا ۆيرۋسى جوتەلۋ, تۇشكىرۋ كەزىندە اۋا ارقىلى جۇعادى. قىزىلشامەن, əدەتتە, ەكپە المەنينگيت, پانەنتسەفاليت سىندى اسقىنۋلارعا سەبەپ بولۋى مۇمكىن, – دەدى گ.بايعۇتانوۆا.
ونىڭ ايتۋىنشا, ەكى جاستان بەس جاسقا دەيىنگى بالالار ءجيى اۋىرادى. بالا كەزىندە قىزىلشامەن اۋىرماعان نەمەسە ۆاكتسينا الماعان ەرەسەكتەر دە اۋىرادى. قىزىلشامەن اۋىرعان ناۋقاسپەن بايلانىستا بولسا, جاسىنا قاراماستان, اۋرۋ جۇقتىرادى. اۋرۋدا وتيت, پنەۆمونيا, ەنتسەفاليت جوق. اۋرۋدان قورعانۋدىڭ جالعىز سەنىمدى جولى – ۆاكتسينالاۋ. بىراق وسى ۆاكتسينالاۋعا سالعىرت قارايتىنداردىڭ دا كوبەيىپ تۇرعانى بەلگىلى.
– ۇلتتىق پروفيلاكتيكالىق ەگۋ كۇنتىزبەسىنە سəيكەس, قىزىلشاعا قارسى ۆاكتسينالاۋ ەكى رەت جۇرگىزىلەدى. ءبىرىنشىسى – بالانىڭ 12-15 ايلىعىندا, ەكىنشىسى – 6 جاستا. قىزىلشاعا قارسى ۆاكتسينا قىزامىق پەن پاروتيتكە قارسى كومپونەنتپەن بىرگە قولدانىلادى. وسى جىلدىڭ ءبىرىنشى جارتىجىلدىعىندا 1 جاستاعى 7 967 بالا جəنە 6 جاستاعى 9 783 بالا اتالعان اۋرۋعا قارسى ەكپە الدى, – دەيدى سپيكەر.
قاي جاعىنان كەلگەندە دە, ۆاكتسينالاۋدان باس تارتۋ دەنساۋلىق ساقتاۋ سالاسىنداعى وزەكتى مəسەلەگە اينالىپ وتىر.
– بۇگىنگى تاڭدا وبلىستا 2 مىڭعا جۋىق بالانىڭ اتا-اناسى ءتۇرلى سەبەپتەرمەن پروفيلاكتيكالىق ەگۋدەن باس تارتتى. ۆاكتسينامەن قامتۋدىڭ تومەندەۋى ۇجىمدىق قورعانىستىڭ əلسىرەۋىنە, جۇقپالى اۋرۋلاردىڭ پايدا بولۋىنا جəنە تارالۋىنا الىپ كەلەدى. سوندىقتان سانيتارلىق-ەپيدەميولوگيالىق باقىلاۋ دەپارتامەنتى مۇددەلى ۆەدومستۆولاردىڭ, ءدىني, قوعامدىق ۇيىمداردىڭ قاتىسۋىمەن حالىقتىڭ جەكەلەگەن توپتارىن اقپاراتتاندىرۋ بويىنشا ءتۇسىندىرۋ جəنە اقپاراتتىق جۇمىس جۇرگىزدى. سونىڭ نəتيجەسىندە, باس تارتقان 593 ادام ەكپە الدى, – دەيدى ول.
قازىرگى ۋاقىتتا əلەمدە, ونىڭ ىشىندە شەكارالاس ەلدەردە قىزىلشانىڭ تىركەلۋى جيىلەدى. اقپاننان باستاپ ەلىمىزدە قىزىلشامەن سىرقاتتانۋ جاعدايى ءوسىپ كەلەدى.
قاسىمحان عالىم,
«Egemen Qazaqstan»
قاراعاندى وبلىسى
