وسىعان دەيىن مۇراجايداعىلار اباي كۇنىنە ءبىر كۇندىك شارالار ۇيىمداستىرىپ كەلگەن. بيىل جاڭا جانە تىڭ باستامانى قولعا الدى. «تۇسپەن تۇرلەنگەن ءسوز» اتتى ارت-زەرتحانانىڭ ۇيىمداستىرۋشىلارى 22 تامىزعا دەيىن وڭىردەگى تالاپ بىلدىرگەن تالانتى بار سۋرەتشىلەردىڭ كارتينالارىن قابىلدايدى. قابىلداۋ ۋاقىتى اياقتالعاننان كەيىن قورىتىندى كورمە وتەدى.
– كاسىبي سۋرەتشى بولۋدىڭ قاجەتى جوق. اۋەسقوي سۋرەتشىلەر دە قاتىسا الادى. بۇل بايقاۋ ەمەس. ءبىزدىڭ مۇنداعى ماقساتىمىز – اباي مۇراسىن ناسيحاتتاۋ. ءبىز ءوزىمىزدىڭ الەۋمەتتىك جەلىدەگى پاراقشالارىمىزعا ناتيجەسىن جاريالايمىز, – دەيدى مۇراجاي باسشىسىنىڭ ورىنباسارى مەيرامگۇل ەلۋباەۆا.
اباي كۇنىندە باستاۋ العان جوبانىڭ العاشقى كورمەسىنە تەمىرتاۋلىق سۋرەتشى اندرەي وسيپەنكونىڭ «اباي – اقىن», «اباي – دانىشپان» جانە «اباي – تۇلعا» تريپتيحتەرى قويىلدى. كارتينالار اباي قۇنانباي ۇلىنىڭ ءومىرى, شىعارماشىلىعى, فيلوسوفياسى تۋرالى بايانداي-
دى.
سونداي-اق قاراعاندىلىق قىلقالام شەبەرلەرى تولەۋعالي كەڭەسباەۆ پەن يساتاي يساباەۆتىڭ گرافيكالىق جۇمىستارى, ابدىمالىك بۇحارباەۆتىڭ «اباي» رەپرودۋكتسياسى كورەرمەن نازارىنا ۇسىنىلدى.
قاسىمحان عالىم,
«Egemen Qazaqstan»
قاراعاندى وبلىسى
