باعدارلاماعا دارىگەرلەر, مەدبيكەلەر, سانيتارلار, مۇعالىمدەر, تاربيەشىلەر, كۇتۋشىلەر, جوعارى وقۋ ورىندارى مەن كوللەدجدەردىڭ وقىتۋشىلارى, عىلىمي-زەرتتەۋ ينستيتۋتتارىنىڭ عىلىمي قىزمەتكەرلەرى, مادەنيەت, سپورت قىزمەتكەرلەرى, شىعارماشىلىق وداقتاردىڭ مۇشەلەرى, جۋرناليستەر, قالالىق مەملەكەتتىك ۇيىمدار مەن حالىققا قىزمەت كورسەتۋ ورتالىقتارىنىڭ قىزمەتكەرلەرى, ەنەرگەتيكا سالاسىنىڭ وكىلدەرى قاتىسا الادى.
شىمكەنتتىڭ جۇمىس ىستەيتىن تۇرعىندارى جەڭىلدەتىلگەن شارتتارمەن باسپانا ساتىپ الۋ مۇمكىندىگىنە يە بولادى. ولارعا بەرىلەتىن زاەمنىڭ ەڭ جوعارى سوماسى 20 ملن تەڭگە. كرەديت مولشەرلەمەسى 5%-عا تەڭ بولادى (جتسم 5,2%-دان), ودان ءارى ول جىلىنا 3,8% دەيىن تومەندەيدى. العاشقى جارنا 10% تەڭ.
«Qamqor» باعدارلاماسى بويىنشا ازاماتتاردى نەسيەلەندىرۋدىڭ ءبىرىنشى ترانشىنىڭ كولەمى 3 ملرد تەڭگەنى قۇرادى. قاراجاتتى شىمكەنت قالاسىنىڭ اكىمدىگى ءبولىپ وتىر.
وتباسى بانك جاڭا تۇرعىن ءۇي باعدارلاماسى بويىنشا وتىنىمدەردى قابىلداپ, ۇپايلاردى ساناپ, الەۋەتتى قارىز الۋشىلاردىڭ ءتىزىمىن قالىپتاستىرادى.
بانك بۇل پروتسەستى «باسپانا ماركەت» پورتالىندا (https://otbasybank.kz/) تسيفرلاندىرادى. ياعني, ەندى باعدارلاماعا قاتىسۋشىلار تۋرالى بارلىق دەرەكتەر اۆتوماتتاندىرىلعان جۇيە ارقىلى تەكسەرىلەتىن بولادى. بۇل باعدارلاما قاتىسۋشىلارىنىڭ پۋلىن قالىپتاستىرۋداعى ادامي فاكتوردى جويادى ءارى ۇپاي ساناۋ ۋاقىتىن ايتارلىقتاي قىسقارتادى.
https://otbasybank.kz پورتالىندا ءوتىنىم قالدىرۋ ءۇشىن «Qamqor» باعدارلاماسىنىڭ الەۋەتتى قاتىسۋشىلارىنىڭ وتباسى بانكىندە شوتى بولۋى قاجەت نەمەسە ولار بانك كليەنتى بولۋلارى شارت.
جەڭىلدەتىلگەن نەسيەلەندىرۋگە ۇمىتكەرلەر پۋلىنا كوپ ۇپاي جيناعان ازاماتتار ەنەتىن بولادى. ۇپايلار سانىنا نەكەدە تۇرعان جىلدار سانى, بالالاردىڭ سانى, جۇمىس ءوتىلى, شىمكەنتتە تىركەلۋ ۇزاقتىعى جانە وتباسى بانكىندە ۇمىتكەردىڭ دەپوزيتى بار-جوقتىعى ەسكەرىلىپ, اسەر ەتەتىن بولادى.
«Qamqor» باعدارلاماسىنىڭ قاتىسۋشىلارى https://otbasybank.kz پورتالىنداعى جەكە كابينەتتەرىندە جيناعان ۇپاي سانىن وتىنىمدەردى قابىلداۋ مەرزىمى اياقتالعان سوڭ كەلەسى كۇنى كورە الادى.
قاتىسۋشىلار پۋلىنا ەڭ كوپ ۇپاي جيناعان 150 ادام كىرەدى.
ءتىزىمدى جەرگىلىكتى اكىمدىك تەكسەرگەننەن كەيىن قاتىسۋشىلار وتباسى بانكىنە نەسيە الۋعا جولداما الادى. ولاردىڭ تولەم قابىلەتتىلىگى تەكسەرىلىپ, زاەم بەرىلەدى. بۇل قاراجاتقا العاشقى نەمەسە ەكىنشى نارىقتان, سونداي-اق «قتك» كەپىلدىگىمەن سالىنىپ جاتقان تۇرعىن ۇيدەن باسپانا ساتىپ الۋعا بولادى.
«Qamqor» باعدارلاماسىنا قاتىسۋشىلارعا قويىلاتىن تالاپتار:
- قاتىسۋشىنىڭ جاسى ءوتىنىم بەرگەن كەزدەگى كەزەڭدى قوسا العاندا 63 جاستان اسپاۋى كەرەك.
- ۇمىتكەردىڭ جانە ونىڭ وتباسى مۇشەلەرiنiڭ سوڭعى 5 جىلدا قر اۋماعىندا مەنشiك قۇقىعىنداعى تۇرعىن ءۇيi بولماۋى قاجەت.
- سوڭعى 3 جىلدا شىمكەنت قالاسىندا تۇراقتى تىركەۋدە تۇرۋى تالاپ ەتىلەدى.
- شىمكەنت قالاسىندا تاڭداعان سالا بويىنشا سوڭعى 12 ايدان كەم ەمەس رەسمي جۇمىس ءوتىلى بولۋى ءتيىس.
- باعدارلاماعا ەرلى-زايىپتىلاردىڭ بىرەۋى عانا قاتىسا الادى.
