اكەسىنىڭ ىزىنەن ىلەسە بارىپ, شاماسى جەتەتىن بۇزاۋدىڭ باسىنان سيپاپ, تاي-ق ۇلىندى اينالشىقتاپ ءجۇرۋدى ادەتكە اينالدىرعان. وسە كەلە قولىنا ايىر-كۇرەگىن الىپ, مال جايعاۋعا بىلەك تۇرە كىرىسىپ كەتتى. ءسويتىپ, ەڭبەك ەركە بالانى ەسەيتتى, بۋىنىن بەكىتىپ, قاناتىن قاتايتتى. قازىر اتا-انا ءۇمىتىن اقتار جاسقا جەتىپ, قارا شاڭىراقتىڭ شارۋاسىن شالقىتىپ كەلەدى.
مالساق جاس ماماندىق تاڭداۋدا جاڭىلماي, ءوز قالاۋىن جۇزەگە اسىردى. ارمانى اسقاق ايبار ءالىم الماتى قازاق ۇلتتىق اگرارلىق ۋنيۆەرسيتەتىنىڭ ۆەتەرينار ماماندىعىن تامامداعان. وزىنە جۇكتەلگەن ازاماتتىق مىندەتتىڭ سالماعىن سەزىنگەن ول وسى كۇنى تۋىپ-وسكەن باقاناس اۋىلىندا ەڭبەك جولىن باستاپ كەتكەن. اۋىل تۇرعىندارىنىڭ مالىن اۋرۋدان ساقتاپ, ەگۋ شارالارىن جۇرگىزۋدە بەلسەندىلىك, ىسكەرلىك تانىتىپ كەلەدى.
جاستايىنان مالساق بولىپ وسكەن جىگەرلى جاس بۇگىندە قوراسىندا ءسۇت باعىتىنداعى اسىل تۇقىمدى سيىر ۇستاپ, ونى ساۋىپ, ازىعىمەن ۋاقتىلى قامتاماسىز ەتۋگە ابدەن توسەلىپ العاندىعىنىڭ كۋاسى بولدىق.
«ەرىنبەي ەڭبەك ەتكەن ادامنىڭ ىرزىق-نەسىبەسى مول بولادى. بىزگە اتا-انامىز سونى ۇيرەتتى. قولىمىزداعى «الاتاۋ», «شۆەد» سيىرلارىنىڭ اربىرىنەن كۇنىگە 15 ليتردەن ارتىق ءسۇت ساۋىپ الامىز. سيىر ساۋ – مەن ءۇشىن ەش قيىندىعى جوق جۇمىس. ونى تارتىپ, ايران ۇيىتىپ, قۇرت جاسايمىز. اتا-انامنىڭ ارقاسىندا داستارقانىمىزدان اق ۇزىلمەي, قۇنارلى, تابيعي ءونىم تۇرلەرى دايارلانادى. بيىل «اۋىل اماناتى» مەملەكەتتىك باعدارلاماسى بويىنشا تومەنگى پايىزدا 6 ملن تەڭگە الىپ, وعان 13 بيە ساتىپ الدىق. بولاشاقتا مال باسىن كوبەيتۋدى ماقسات ەتىپ ءجۇرمىن», دەيدى ايبار ساكەن ۇلى.
تۋعان اۋىلىنا تۋىن تىگىپ, ونىڭ وركەندەۋىنە وزىندىك ۇلەسىن قوسىپ جۇرگەن ايباردىڭ كەلىنشەگى اسەم باتىرحان دا «قازاقتەلەكوم» بولىمشەسىندە وپەراتور بولىپ ەڭبەككە ارالاسقان. وسىلايشا, بىرلىگى مەن تىرلىگى جاراسقان جاستار باقىتتى ءومىر ورنەگىن قۇرىپ كەلەدى.
الماتى وبلىسى
