وسى سپورت ءتۇرىنىڭ تىزگىنىن ۇستاعان ازاماتتار سودان ءتيىستى قورىتىندى شىعارىپ, جاڭا باستامالاردى قولعا الدى. اتاپ ايتساق, قىركۇيەك ايىندا قىتايدا الاۋى تۇتاناتىن ازيا ويىندارى قارساڭىندا ولار وڭتۇستىك كورەيادان كەلگەن مامان كيم كۆانگ سۋدىڭ كومەگىنە جۇگىنۋدى ءجون كوردى. ول – تاجىريبەلى جانە بىلىكتى مامان. كەزىندە چۋنچون قالاسىنىڭ قۇراما كومانداسىن باپتاپ, فرانتسيانىڭ ۇلتتىق كومانداسىن جاتتىقتىرعان كيم ەندى قازاقستان قۇراماسىندا جاتتىقتىرۋشى-كەڭەسشى قىزمەتىن اتقارادى. ال تانىمال سپورتشى, ازيا ويىندارىنىڭ كۇمىس جۇلدەگەرى, بىرقاتار حالىقارالىق تۋرنير جەڭىمپازى, لوندون وليمپياداسىنا قاتىسۋشى نۇرسۇلتان ماماەۆ اعا جاتتىقتىرۋشى بولىپ تاعايىندالدى.
قازىرگى كەزدە ەسىمدەرى اتالعان ماماندار ءوز جۇمىستارىنا كىرىسىپ تە كەتتى.
