شەشىم بيدايدى قر-نا اكەلۋدىڭ جانە ونى رەسەي فەدەراتسياسىمەن شەكارالاس ايماقتارىنان اۆتوموبيل كولىگىمەن رەەكسپورتتاۋدىڭ «سۇر سحەمالارىن» بولدىرماۋ ماقساتىندا قابىلداندى. بۇل رەتتە وتاندىق اۋىل شارۋاشىلىعى تاۋارىن وندىرۋشىلەردى تۇقىم ماتەريالىمەن قامتاماسىز ەتۋ ماقساتىندا تۇقىمداردى اۆتوكولىكپەن جەتكىزۋگە رۇقسات ەتىلەدى. بىراق بۇل جاعدايدا پارتيالار تۇقىمنىڭ ساپاسى تۋرالى كۋالىكپەن قوسا بىرگە ءجۇرۋى كەرەك.
بۇدان بولەك, ليتسەنزيالانعان ەلەۆاتورلاردىڭ, استىق وڭدەۋشىلەردىڭ, قۇس شارۋاشىلىعى كاسىپورىندارىنىڭ اتىنا جەتكىزىلىمدەردى قوسپاعاندا, يمپورتتىق بيدايدى قازاقستان اۋماعىنا جانە تەمىرجول كولىگىمەن اكەلۋ شەكتەلەدى. اۆتوكولىككە تىيىم سالۋدى ۇزارتۋ جانە تەمىرجول شەكتەۋلەرىن ەنگىزۋ تۋرالى بۇيرىقتى اۋىل شارۋاشىلىعى مينيسترلىگى ازىرلەيدى.
