فوتو: مادەنيەت جانە سپورت مينيسترلىگى
تاريحي قۇندىلىعى جوعارى سانالىناتىن ساماۋرىن 1893 جىلى جاسالعان ەكەن. اتالمىش جادىگەر اباي اتىنداعى حالىقارالىق مادەنيەت پەن ونەردى قولداۋ قورى اتىنان ۇلتتىق مۋزەيگە بەرىلىپ وتىر. اباي قۇنانباي ۇلى باستاعان قازاق زيالىلارى شاي ىشكەن سول ساماۋرىن – سەمەي قالاسىنداعى مەتسەنات بەكباي بايسوۆتىڭ كەرۋەن سارايىندا تۇرعان ەكەن.
قر مادەنيەت جانە سپورت ۆيتسە-ءمينيسترى ارمان جۇدەباەۆ ويشىلدىڭ ءومىرى مەن شىعارماشىلىعى ءالى دە تولىق زەرتتەلمەدى دەي كەلە, ابايدىڭ قازاق رۋحانياتىنا قوسقان ايرىقشا ۇلەسى تۋرالى ءسوز قوزعادى.
وسى كۇندەرى ۇلتتىق مۋزەي قورىندا اباي قۇنانباي ۇلىنا قاتىستى 42 جادىگەر ساقتالىپ تۇر. جادىگەرلەردىڭ اراسىندا اقىننىڭ جەكە قولدانعان قۇتىسى, ءتىرى كەزىندە باسپادان شىققان كىتاپتارى جانە تاعى باسقا ماڭىزدى دۇنيەلەر بار.
