سەناتور مەملەكەت باسشىسىنىڭ قازاقستان حالقىنا جولداۋىندا ايتىلعان ەلىمىزدىڭ دامۋىنىڭ نەگىزگى باعىتتارىن ىسكە اسىرۋداعى سەنات اتقارعان جۇمىستار تۋرالى كەزدەسۋگە قاتىسۋشىلارعا ايتىپ بەردى.
«حالىقتىڭ ءال-اۋقاتىن ساپالى جانە ينكليۋزيۆتى تۇردە ارتتىرۋدا ەلىمىزدىڭ بولاشاعى ءۇشىن ەكونوميكالىق ساياسات پەن ستراتەگيالىق ينۆەستيتسيالاردى قولداۋ ارقىلى قوعامنىڭ تۇراقتى دامۋىنا ۇلەس قوسۋ – باستى مىندەت. وڭىرلەردى دامىتۋ ماسەلەسى قازىرگى كەزدە ەرەكشە ماڭىزعا يە بولىپ وتىر. ەلىمىز تۇرعىندارىنىڭ 40 پايىزى اۋىلدىق جەرلەردە تۇراتىندىقتان, اۋىل شارۋاشىلىعىن دامىتۋ – كۇن تارتىبىندەگى ەرەكشە ماسەلە», دەپ اتاپ ءوتتى باۋىرجان قانيەۆ.
دەپۋتات سونىمەن قاتار «اۋىل اماناتى» جوباسى اياسىندا ىرعىز اۋىلىندا جىلىجاي سالۋ بارىسىمەن تانىستى.
* * *
سەناتور سۇلتانبەك ماكەجانوۆ الماتى قالالىق ماسليحاتىنداعى تۇراقتى كوميسسيالاردىڭ توراعالارىمەن كەزدەستى. ول سونداي-اق مۇحتار اۋەزوۆ اتىنداعى ادەبي-مەموريالدىق مۇراجاي-ۇيىندە بولدى.
كەزدەسۋدە الماتى قالالىق ءماسليحاتىنىڭ تۇراقتى كوميسسيالارىنىڭ توراعالارىمەن جانە مۇحتار اۋەزوۆ اتىنداعى ادەبيەت جانە ونەر ينستيتۋتىنىڭ باسشىلىعىمەن ەركىن اڭگىمە ءوربىدى. جۇزدەسۋ بارىسىندا مەملەكەت باسشىسى قاسىم-جومارت توقاەۆتىڭ اعىمداعى جىلدىڭ ناۋرىز ايىندا VIII سايلانعان پارلامەنتتىڭ ءبىرىنشى سەسسياسىنىڭ اشىلۋىندا العا قويعان تاپسىرمالارى تالقىلانعان نەگىزگى تاقىرىپتىڭ ءبىرى بولدى.
كەزدەسۋگە قاتىسۋشىلار سونىمەن قاتار قارجى بولۋدەگى وزەكتى ماسەلەلەردى جانە شىعارىلاتىن وتاندىق كىتاپتاردىڭ تارالىمىن ۇلعايتۋدى, تاريحي قولجازبالاردى دۇرىس ساقتاۋ جانە مۇراعاتتاۋعا ارنالعان ارنايى جابدىقتاردى ساتىپ الۋ جايىن تالقىلادى. قالالىق ءماسليحات دەپۋتاتتارى ارنايى ەكونوميكالىق جانە يندۋستريالىق ايماقتار, قالاداعى تىعىز قۇرىلىس, وتاندىق ءونىمدى ءوندىرۋ جانە ساتۋ ماسەلەلەرىن كوتەردى.
سەناتور كەزدەسۋ سوڭىندا پارلامەنت سەناتىنىڭ ەلىمىزدىڭ الەۋمەتتىك-ەكونوميكالىق دامۋىنا جانە حالىقتىڭ تابىسىن ارتتىرۋعا باعىتتالعان الداعى زاڭ شىعارۋ جۇمىسى تۋرالى ايتىپ بەردى.
