ۇلىتاۋلىق كاسىپكەرلەر ءۇشىن كوپ كەشىكپەي وسىنداي مۇمكىندىكتەر قالىپتاسا باستاماق.
«QazTrade» ساۋدا ساياساتىن دامىتۋ ورتالىعى» اق باس ديرەكتورىنىڭ ءبىرىنشى ورىنباسارى نۇرلان قۇلباتىروۆ ۇلىتاۋ وڭىرلىك كاسىپكەرلەر پالاتاسىندا شاعىن جانە ورتا بيزنەس وكىلدەرىمەن كەزدەسىپ, ولارمەن حالىقارالىق نارىققا ەنىپ, ءوز ونىمدەرىن ەكسپورتقا شىعارۋ تۋرالى پىكىر الماستى.
«QazTrade» اق كاسىپكەرلەرگە جان-جاقتى كومەك كورسەتۋگە ءازىر. وتاندىق كاسىپكەرلەر اراسىندا ەكسپورتقا دەگەن قىزىعۋشىلىق جىل سايىن ارتىپ كەلەدى. ءبىز شيكىزاتتىق ەمەس, دايىن ءونىمدى ەكسپورتتاۋ باعىتىن ۇستانامىز», دەدى ن.قۇلباتىروۆ.
سونداي-اق ول جاڭادان ەنگىزىلىپ جاتقان «Ready 4 Trade ورتالىق ازيا جوباسى» تۋرالى ايتىپ بەردى. بۇل جوبا ارقىلى كاسىپكەر ءوز ونىمدەرىن ەۋروپا ەلدەرىنە بارىنشا تەز ءارى جەڭىل جولمەن جەتكىزە الادى ەكەن.
ەكسپورتتىڭ ەل ەكونوميكاسى ءۇشىن ماڭىزى زور ەكەنى ايتپاسا دا تۇسىنىكتى. ەندى بۇل رەتتە دە ۇلىتاۋلىق كاسىپكەرلەردىڭ ۇلەسى ارتا تۇسەدى دەگەن سەنىم بار. مۇنداي مۇمكىندىك تاۋارلار, جۇمىستار مەن قىزمەتتەر ءوندىرىسىن ىنتالاندىرىپ قانا قويمايدى, سونىمەن قاتار ەكونوميكانىڭ دامۋ قارقىنىن نىعايتادى جانە جالپى ىشكى ءونىمنىڭ ءوسۋىن جەدەلدەتەدى, ساۋدا بالانسىن جانە حالىقارالىق نارىقتاعى ۇلتتىق ۆاليۋتانىڭ پوزيتسياسىن نىعايتادى.
